“ياريت بلاش مزايدات”.. أيتن عامر: «الناس اللي بيقولوا وقفي شغلك وإقعدي في البيت مش هينفعوني»
قامت الفنانة الجميلة أيتن عامر، بتوجيه رسالة لمُتابعيها بسبب الهجوم عليها، بعد إعلانها متابعة عملها في ظل الظروف الحالية التي يمر بها الشعب الفلسطيني، وأشارت بأن متابعة العمل لا يمكن أبداً أن يُنسيها ما يمر به إخواننا الملسمين.
وأكدت الفنانة، خلال بث مباشر عبر حسابها الرسمي على موقع التواصل الإجتماعي “انستجرام”، موضحة: “أنا جايه النهاردة وحابه أقولكم شئ بسيط، وبتمنى من ربنا إنكم تفهموا وتستوعبوا الكلام كويس، وأنا مش هتكلم عن حد أنا هتكلم عن نفسي، إسمي أيتن عامر مصرية وبشتغل مُمثلة لو مفيش حد عارفني”.
وواصلت أيتن: “واللي حابه أقوله إن مش معنى إننا بنعمل دعايا لشغلنا إننا نسينا اللي بيحصل.. أنا من ساعة اللي حصل من شهر ونصف وبعد الكارثة دي ما حصلت مش بعلن غير عن القضية دي، والحساب بتاعي كان هيتقفل بسبب الحاجات اللي بنشرها بس ربنا سترها”.
وأضافت الفنانة: “وأكيد مش هينفع أقول لحد متعملش شغلك ومتأديش واجبك.. لما ممكن أقول إنت ليه مش بتتكلم عن القضية واللي بيحصل، وده برضه مش من حقي، ومش معنى إننا بنعلن عن شغلنا إننا بنشغل الرأي العام عن هذه الأحداث..لأ الأكونت اللي بنزل عليه الشغل هو نفسه اللي بنشر عليه اللي بيحصل”.
وتابعت أيتن: “وبجد مش عارفه ليه الناس واخدة موقف شديد تجاه الفنانين ومضايقة جداً، وحقيقي الموضوع مزعلني أوي لأن إنتم عيلتي الكبيرة، وصعبان عليا اللي إنتم بتعملوه فيا أو في زميل آخر ليا.. ياريت الناس تفهم إن الإعلان عن شغلنا جزء منه ومش حابه إنه يتأثر، وكل اللي بطلبه منكم كفاية انتقاد وهجوم، وده لأن زي ما إنتوا بتعملوا شغلكم إحنا كمان بنعمل شغلنا”.
وأنهت الفنانة حديثها: “ياريت الناس تبطل مزايدات.. الكل شايف اللي بيحصل، ومينفعش أنتقد فنان علشان عاوز يشوف شغله وأقول كده عيب، لأ العيب إني ملتزمش بعقودي ومكملش شغلي، وده لأن الدنيا ممكن تقف لو بطلت شغل، والناس هترفع علينا قاضيا وممكن نتحبس ومش هنعرف ساعتها نوفي إلتزامتنا”.
