حلت الفنانة الكبيرة عايدة رياض، ضيفة على الإعلامية راغدة شلهوب، مقدمة برنامج “سابع سما” الذي يذاع خلال شهر رمضان، عبر قناة “النهار”.
وتحدثت عايدة، خلال الحلقة عن فكرة الحب والارتباط بشاب أصغر منها، حيث قالت: “لو أنا حبيت ارتبط مش هاخد واحد قدي.. لازم أخد واحد صغير طبعًا هاخد واحد قدي ازاي يعني”.
وأضافت عايدة، قائلة: “أنا لو فكرت ارتبط مثلًا هاخد واحد كبير في سني.. لو هرتبط لازم أخد أصغر مني ولو إن ده أنا مش مقتنعة بيه”.
وكشفت عايدة، عن عمرها بكل صراحة قائلة: “أنا مواليد 54.. لو واحدة في سني هتاخد أكبر منها بـ 3 سنين يعني هنقعد نمرض بعض ولا نعمل إيه بالظبط.. يعني ممكن مثلًا يكون 55 سنة”.
وردًا على سؤال مقدمة البرنامج: “انتي تاخديه 55 هو ليه يتجوز حد عنده 68؟”. قالت عايدة: “ما دي بقى الحاجات اللي أقولك أحبها وما أحبهاش.. كل واحد عنده ظروف.. أنا عندي ظروف وأكيد اللي عايز يرتبط بيا لازم يكون معجب أو انتي عارفة يعني الفنانة بيبقى ليها قواعد أخرى يعني.. بيبقى ليها معجبين حتى برضه مع التاريخ بيبقى ليها معجبين.. يتجوز تاريخ”.
وأشارت عايدة، إلى أنها لا تحب ذلك قائلة: “أنا ما أحبش الحكاية دي.. ولو كنت بحب الحكاية دي كنت عملتها السنين اللي فاتت ومن قبل كده ومن عشر سنين كنت عملتها.. أنا مبحبش الجو ده.. لكن لما تيجي تفكري وتقولي مثلًا طقت في دماغك تتجوزي في السن ده.. لازم تتجوزي حد يدلعك تعيشي يفسحك يدلعك بقى هو.. هو بقى ليه اسأليه بقى”.
