حلت الفنانة سميحة أيوب ضيفة على برنامج «كلام الناس»، مع الإعلامية ياسمين عز، المذاع عبر شاشة «إم بي سي مصر»، وتناول اللقاء الكشف عن بعض الأسرار الخاصة في حياة سميحة أيوب لأول مرة.
كيف تأسرين الرجل
وأجابت سميحة أيوب على سؤال ياسمين عز عن زواجها من الفنان محمود مرسي الذي كان رافضاً للزواج لكنه تزوج منها في النهاية؛ حيث اختتمت الإعلامية ياسمين عز سؤالها بـ “كيف تأسرين الرجل؟”
وردت الفنانة: “ولا حاجة طبيعتي، مرة صرحلي بحاجة قبل ما نتجوز فرديت ببساطة قالي “غريبة جداً أول مرة اشوف بنت مصرية بتقول الحقيقة، تتجوزيني يا سميحة؟”.
وأضافت: “انا قعدت سنة ونص معجبة بيه قبل الجواز وهو أول ما شافني اعجب بيا حسب ما قالي، المهم قعدنا سنة ونص مبنتكلمش خالص معجبين في صمت ولو قابنا بعض صدفة نسلم واحنا محرجين على راسنا بطحة احنا الاتنين بقى وحاسين ببعض”.
واستكملت سميحة أيوب حديثها بحكاية عن زيارة زميل مشترك بينها وبين محمود مرسي، الذي وجدته عنده، مشيرة إلى فرحتها بوجوده، وفرحته هو الأخر برؤيتها.
وأضافت: المهم خلصت الزيارة وجيت ماشية لقيته بيقولي بالنص كده “ست سميحة انا عارف انك مبتركبيش حد معاكي في عربيتك بس المكان هنا بعيد عن المواصلات فممكن لو سمحتى تاخديني معاكي في العربية لأول تاكسي بس يقابلك؟”.
وتابعت: ركب جبني في العربية واحنا ماشيين فجأة لقيته بيقولي “تعرفي انا معجب جداً بيكي”، قلتله “وانا كمان معجبة بيك”.
وأوضحت سميحة أيوب: “بس دي بقى الجملة اللي قالي بعدها انه أول مرة يشوف بنت مصرية بتقول الحقيقة، وبتتكلم بالصراحة دي، لا ده انتي تُحترمي، فوق اعجابي بيكي انا كمان بحترمك، تتجوزيني يا سميحة؟”.
