علق الإعلامي عمرو أديب، على فوز الأهلي بلقب دوري أبطال إفريقيا للمرة الحادية عشر في تاريخه، بعد تغلبه على الوداد بنتيجة 3 / 2 بمباراتي الذهاب والإياب في نهائي نسخة 2022/ 2023.
وقال أديب، في حلقة أمس الأحد من برنامج “الحكاية” الذي يعرض عبر قناة “MBC مصر”: “ألف مبروك للأهلي.. تذكر ولا تتنكر قولتلك الأهلي واحد ماتش واحد جول واحد بالظبط.. هذا ليس إحساس وحلم وبتاع.. حسابات يا ابني.. هنا إحنا بنحسب الحسابات ومن حسب الحسابات في الهنا بات وطبعًا ربنا يسهل ويأمن ولاعيبة الأهلي ترجع من كازبلانكا سليمة.. هذا الجمهور الذي زحف خلف الأهلي ليؤيد برئاسة كابتن محمود الخطيب اللي موجود في المدرجات طبعًا فجأة المدرجات كلها فضييت جمهور الوداد في حالة حزن كبير هارد لك.. جمهور الوداد عمل الواجب وأكتر وكان ورا الفريق بتاعه ولكن في النهاية يفوز الأهلي بهدف محمد عبد المنعم اللي رفعهوله علولي والنهارده 11 والأهلي خد الكاس الـ 11 وهو ماتش واحد لإن الأهلي واحد وجول واحد.. كمية وحايد النهارده غير طبيعية.. حط الأرقام جنب بعض كده يقولك واحد.. واحد.. واحد.. واحد”.
وأضاف: “الحكم غير حريف.. وقولتلك تذكر إن هذا الحكم هيأثر على المباراة وتحمر القاهرة.. القاهرة الآن حمراء.. طبعًا انتوا عارفين إن جمهور الأهلي في مصر أقلية ورغم ذلك في ناس كتير في الشوارع وليلة حمراء حتى الصباح.. كان الأهلي في أشد الاحتياج لبطولة إفريقيا.. الأهلي كان عنده شيء غير الدوري غير الكاس الأهلي كان في دماغه يا جماعة يبقوا أحسن ناس في إفريقيا.. هو ده الأهلي وألف مبروك مصر كلها سعيدة وكل جماهير الأهلي من المحيط إلى الخليج سعيدة مباراة صعبة وكاد وكاد الأهلي إن هو يجيب جول تاني وتالت ووصلوا لغاية الجول ويشوط مرة والتانية والتالتة وما تجيش.. والأنفاس الأخيرة والراجل الحكم كل ما كان يقابل لاعيب أهلاوي قدامه يديله إنذار”.
