حلت الفنانة الاردنية أميرة نايف، ضيفة على الإعلامية ياسمين عز، في حلقة أمس الخميس، من برنامجها “كلام الناس” الذي يعرض عبر قناة “MBC مصر”.
وتحدثت أميرة، خلال الحلقة عن دورها في الفيلم الشهير “جاءنا البيان التالي” للنجم الكوميدي محمد هنيدي، وعن مشهدها الجريء بالفيلم قائلة: “قعدت مع الأستاذ سعيد حامد واتكلمت معاه وقولتله إن أنا خايفة من ده لإن أنا مش بحب أدخل في تفاصيل المنطقة دي في الفن.. فقالي أولًا انتي شوفتي أعمالي قبل كده قولتله طبعًا أكيد ده أنا كان نفسي أعدي من قدام الكاميرا مع حضرتك.. قالي شوفتيني عملت أي نوع من أنواع التفاصيل في المنطقة دي قولتله خالص وعشان كده أنا استغربت إنه مكتوب والمفروض هيبقى في تفاصيل لإنه شريط وبيتفرجوا عليه فلازم انت هتصوره أكيد تفاصيل والتفاصيل دي أنا قلقانة منها”.
وأضافت: “قالي انتي عارفة مين قدامك محمد كامل.. طبعًا هو عارف إنه كان جوز خالتي الله يرحمه.. قولتله أيوه بس ده يخليني أخاف أكتر واتكسف ده أنا بنته كان بيحطني على رجله وينزل يجيب لي شوكلاته وحاجات كده فأنا بنته.. وكمان في الحدث أنا اللي بقود المسيرة أو الحكاية فقالي سيبيلي نفسك خالص ومالكيش دعوة وثقي فيا.. وفعلًا طلع كل الناس بره التصوير خلى بس أسطى إضاءة كبير والمصور وهو وأنا والأستاذ محمد الله يرحمه.. بس عملنا أول مرة طبعًا أيامها كان خام مفيش ديجيتال.. وأنا كنت واخدة تحدي مع نفسي إنه من أول لقطة عشان ده حرام مال ناس فأول مرة دخلت مش أنا اللي مسيطرة ع الموقف.. فقالي ستوب.. وعيدنا تاني قولتله أصله جوز خالتي.. قالي ده مش جوز خالتك ده الصحفي.. وقالي أنا عايز واحدة داخلة مسيطرة عارفة هي بتعمل إيه”.
