أمير كرارة عن تعاونه مع ياسمين صبري بـ فيلم “البعبع”: «ست جميلة وفنانة رائعة والتعامل معاها من مكاسب المهنة»
أعرب الفنان أمير كرارة، عن بالغ سعادته من ردود أفعال الجمهور حول فيلم “البعبع”، كما تحدث عن العمل مع الفنانة ياسمين صبري لأول مرة خلال أحداث العمل.
وأكد الفنان، خلال تصريحاته مع “et بالعربي”:ـ “حقيقي راضي عن إيرادات فيلم البعبع، ولكن إحنا بنجتهد والتوفيق والإيرادات دي حاجة بتاعت ربنا والمنتج نفسه، وبحمد ربنا إننا بنحاول نعمل حاجة محترمة تليق بمستوى الجمهور، وأكيد المنافسة شديدة وأنا من مُحبي الكريمين وربنا يكرمهم ويوفق كل الناس”.
وأشار كرارة، بأنه لم يكن مُتخوف من خوض التجربة الكوميدية، موضحاً:ـ “بجد مكنتش خايف، والفكرة كلها إن الورق شجعني وكنت واثق في المخرج اللي معانا إنه هيظبط الكوميديا، وبحمد ربنا إن التجربة كانت جميلة جداً ومُمتعة”.
وواصل:ـ “وبجد كان لازم أغير فكرة الأكشن شوية، وده علشان الشغل اللي فات أغلبه كان أكشن، وأنا كنت قلقان من البداية إني أشتغل كوميدي، ولكني الحمد لله لقيت رد فعل أكتر من مُتوقع من الجمهور، وبجد كنت مبسوط من ردود الأفعال حوله”.
وتحدث أمير، عن التعاون مع الفنانة ياسمين صبري خلال أحداث العمل:ـ “بجد من أحسن التجارب اللي عملتها، واللي اكتسبته في المهنة هو التعامل مع ياسمين صبري، وحقيقي هى فنانة رائعة وست جميلة، وكنت مرتاح معاها جداً في التعامل، وبتمنى أشتغل معاها مرة تانية وعندها جمهورها كبير، وناس كتير بتحبها جداً”.
وجديراً بالذكر، بأن فيلم “البعبع” قام ببطولته مجموعة كبيرة من نجوم الفن أبرزهم “أمير كرارة، وباسم سمرة، وياسمين صبري، ومحمد عبدالعظيم، ورحاب الجمل، ومحمد أنور، ومحمد عبدالرحمن”، وغيرهم الكثير، والعمل فصة وسيناريو وحوار إيهاب بليبل ومن إخراج حسين المنباوي.
