كشفت الفنانة أمل رزق، عن معاناتها بسبب مواقع التواصل الاجتماعي والمشكلات التي تسمع عنها من خلال السوشيال ميديا.
حيث قالت في تصريحات صحفية: “الدنيا اتغيرت.. ومن كتر اللي الواحد بيشوفه من مشاكل ممكن ما أخرجش من بيتي”.
وأضافت: “الناس زمان كانت نظرتهم فيها رضا وتسامح وعمرنا ما كنا بنشوف قبل السوشيال ميديا اللي بنشوفه دلوقتي”.
وعن أعمالها المقبلة، قالت الفنانة أمل رزق: “دايمًا ببقى حريصة إني أنوع في الأدوار اللي بقدمها على الشاشة.. وبرفض الأدوار المكررة لإني بحب إن جمهوري يكون فاكر الأدوار اللي عملتها وتكون في ذاكرته باستمرار”.
وتابعت: “المفروض إن فيه مسلسل (روز وليلى) نازل قريب بتمنى إنه يعجب الجمهور.. أنا كنت فاكرة إنه هينزل من فترة بس اتأجل وما أعرفش إيه سبب تأجيله”.
أمل رزق، هي فنانة مصرية من مواليد 22 نوفمبر 1977، وعمرها حاليًا (45 سنة)، بدأت مشوارها الفني في أوائل التسعينيات عقب تخرجها من المعهد العالي للفنون المسرحية.
ومن أبرز أعمالها: أفلام: “جيل آخر زمن، وغلط البنات، والشرسة، و85 جنايات، وجيم أوفر، وفبراير الأسود، واللي جاي أحسن، وأهواك”، ومسلسلات: “ولدي، والعائلة، وليالي الحلمية ج5، وشارع المواردي ج2، والسيرة الهلالية ج1، وج2، وفوازير الحلو ما يكملش، وشباب رايق جدًا، وأم العروسة، وع الحلوة والمرة، وللعدالة وجوه كثيرة، والعطار والسبع بنات، والإمبراطور، والأصدقاء، وأولاد الأكابر، وأبيض x أبيض، ويا ورد مين يشتريك، ودعوة فرح، وأحلام لا تنام، وأسمهان، وأنا قلبي دليل، والقطة العميا، وآدم، وكلام على ورق، ومريم، والطبال، وأفراح القبة، وللحب فرصة أخيرة”.
