“مش على اخر الزمن واحد رد سجون يعلمني الأدب”.. رد عمرو أديب على علاء مبارك “بالفيديو”

شن الإعلامي عمرو أديب هجوماً شديداً على علاء مبارك وذلك بسبب أن الأخير كتب منشور على تويتر ينتقد فيها أداء عمرو أديب، مما دعي أديب أن يبوح بالكثير من الأسرار والخلافات التي كانت بينهما قبل الثورة، وقال أديب أن زمن علاء وجمال مبارك انتهى، ولن يعود مبارك للحكم أبداً ويكفي عليهم أموال سويسرا.

وصرح أديب خلال برنامجه “الحكاية” المذاع على قناة MBC مصر ” أنا قليل ما أتكلم عن حياتي الشخصية ومبحبش أهاجم حد وهو ظروفه صعبه أو في السجن ولكن اللي يقربلى هقربله واللي يهاجمني هاهجمه ولو أنا سايبك مش بقربلك مش معنى كده أني أنا خايف منك ”

وأضاف أديب “ان اليوم هو ذكرى تنحى مبارك واعرف مبارك كويس وأبناء مبارك علاء وجمال ومش من المرجلة أو الفروسية انك تشتمها بعد الثورة وعمري ما قربت لهم، ولكن كنت بفكر لو مكانتش قامت الثورة كان ايه ممكن يحصل، كان جمال بيحكم وعلاء بيقبض وأنا بتكلم بصراحة ”

واكد أديب ” أن عمري ما قربت لعلاء ولا جمال بعد الثورة لكن قربت لهم لما كان مبارك في السلطة، وقعدت في البيت عشان هاجمت جمال مبارك ومصر كلها عارفه الحكاية دي، والنهاردة الصبح يوم تنحى مبارك فكر علاء يعمل ايه؟ اليوم الأسود في حياته، فهاجم عمرو أديب وخد جملة من انترفيو ضدي ما تجيب الانترفيو كله يا علاء بيه، لأنك عارف أن الانترفيو ده هو اللي قعدني في البيت لأني قولت مينفعش جمال يحكمنا ”

ورد عمرو أديب على علاء مبارك قائلا “انت اللي جبته لنفسك، والفلوس بتاعت سويسرا بتاعت مين، ومصر كلها عارفه علاء بيشتغل ايه، وخلص نفسك الأول وبعدين دور عليا ”