فتح الإعلامى محمد فارس المذيع بقناة النادى الأهلى النار على الاتحاد المصري لكرة القدم بسبب عدم تسلم النادى الأهلى درع الدورى حتى الآن.
الأهلى الفائز ببطولة الدورى العام هذا الموسم لم يتسلم حتى الآن درع الدوري لينتقد محمد فارس هذا الوضع.
محمد فارس وعبر صفحته الشخصية على منصة فيسبوك كتب منتقداً المشهد قائلاً،
اقسم بالله عا ر على كرة القدم المصرية اللي حصل مع الأهلي الموسم ده واللي محصلش مع أي نادي في العالم . اتحاد الكرة أفسد علينا فرحتنا ببطولة الدوري وحرمنا نوثق في الملعب ذكرياتها وصورها ولحظات الفرحة بيها. النادي الأهلي هو النادي الوحيد في العالم اللي لم يتسلم درع بطولة الدوري بعد الفوز بيه ولمدة ٣٧ يوم !!!
ليه بقول ده انهاردة لإن خلاص الأهلي بدأ الموسم الجديد رسمياً ولعبنا ماتش جورماهيا ودخلنا في ضغط بطولات جديدة وطموح موسم جديد ففكرة درع الدوري دلوقتي بقت كانك بتدي ليا فرحة مشوهة ومصطنعة ومش طالعة حقيقية.
ليه الدوري متسلمش يوم حسم الأهلي للقب وسط جمهوره وجهازه الفني ولعيبته وفي وجود مجلس ادارته . يعني ايه كان لسه بتصنع ؟ هو انا ايه ذنبي انك مش منظم ومش محترف ومش عارف قيمة فريق زي الأهلي
عيب عيب ده الأهلي اللي عامل قيمة لمسابقاتكم الفاشلة ووضعك الاداري المثير للشفقة . مرة تمنعونا من استضافة النهائي والتتويج ببطولة أفريقية ومرة تحرمونا من فرحتنا بالدوري . انتم نجاح الأهلي وتوثيقه بيتعبكم بس هيفضل الأهلي كبير ويستحق منظومة رياضية افضل منكم بكتير اوي
