“ارتاح وسيبنا مع الأفاقين ومعدومي الضمير والإنسانية” شريف إكرامي يودع أحمد رفعت بكلمات نارية
وجه حارس مرمى النادي الأهلي السابق ومنتخب مصر، ونادي بيراميدز الحالي شريف إكرامي، رسالة حزينة للاعب الراحل أحمد رفعت من خلال صفحته الشخصية على موقع “فيسبوك”.
رسالة إكرامي بالرغم من أنها حلمت الكثير من الحزن على رحيل جناح فريق مودرن سبورت ومنتخب مصر أحمد رفعت، إلا أنها كانت قوية بما يكفي لتوجيه العديد من الاتهامات لمن تسبب في رحيله.
رفعت مات بس اريكسن عاش
وكتب شريف إكرامي في منشوره “احمد رفعت مات بس كريستيان اريكسن عاش، مات مع إن اللي عالجوه طلعوا كل يوم في البرامج يتكلموا ويطمنو الناس عليه ،و يأكدوا لنا ان محدش قصر، رفعت مات مع إن الوزير راح بنفسه واطمن عليه وأتصور معاه كمان عشان يطمنا اكتر،مات بعد تأكيد مسئولي ناديه انه في طريقة للعودة للملاعب وأنهم عملوا معاه الواجب و زيادة”
وتابع إكرامي “طبعاً لكل اجل كتاب اللهم لا اعتراض،بس بردو لكل اجل سبب، اريكسين عاش عشان اتلحق من اول ثانية قلبه فيها وقف..مش بعد نص ساعه..
روح يا رفعت للي ارحم من أي حد
واختتم حارس مرمى المنتخب المصري السابق رسالته بقوله “روح يا رفعت للي ارحم من أي حد، روح عشان حق اللي بيموت هنا يابني كام صورة علي شوية تغريدات،و دمعتين في البرامج و اخرهم يومين تلاته..وبس، ارتاح يابني و سيبنا هنا مع الأفاقين و المتاجرين معدومي الاحترام و الضمير و الإنسانية، ارتاح يا رفعت لعل و عسي موتك يكون سبب في صحيان ضمائر و ذمم ماتت من زمن، رحمك الله يا احمد”.
يذكر أن خبر رحيل اللاعب الشاب أحمد رفعت فجر أمس السبت أثار حالة من الحزن والغضب بين زملائه وجماهير كرة القدم، خاصة بعد تداول البعض أنباء حول أن السبب في وفاته يرجع لضغوط نفسية تعرض لها ولم يتحملها قلبه.
