ومزالت حملت الغضب على المواقع الإجتماعيه مستمر على الإعلاميه ريهام سعيد بما فعلته بفتاة المول…
- فتقول (هند مدحت )الطالبه في كلية الاعلام قسم اذاعه وتلفزيون أن هذه الإعلاميه لم تراعى ميثاق الشرف الإعلامي وهى تسيئ للمهنه ولن تمثل مثل اعلامى يحتذى بيه.
كما تضيف هند الناس اللي طالعه تقولك مننسالهاش الحلو ودي عملت وعملت..
بصو عشان نكون واضحين بس.. الست دي لو مكانتش بتتاجر ب وجع واحتياج الناس عشان تعمل لنفسها صوره معينه في عيون الناس.. صوره محترمه..
مكنش ربنا اغشى بصيرتها وخلاها تغلط غلطه زي دي لو واحد في أولى اعلام مش هيغلطها.. الست دي لو كانت بتتفي الله فعلا وبتعمل اللي بتعمله لوجه الله فقط.. ربنا مكنش حطها في المكان ده دلوقتي.. ((و من يتق الله يجعل له مخرجاً))
الست دي اللي هي كانت وسيله لمساعده بعض الناس.. ٩٠ في الميه من الجمهور بيكرهها.. من قبل موضوع البنت بتاعة المول دي.. الست دي لو مش بتتاجر باسم الدين والخير كانت الناس حبتها لان من علامات حب الله للعبد انه يحبب فيه خلقه..
في الاخر الموضوع مش بيتقاس بالخير اللي عملتو.. الموضوع بيتقاس بالنيه.. اللي اكيد محدش يقدر يجزم هي كانت ايه.. بس في حجات كتير ماديه قدامنا بتقول انها مكنتش كويسه..
و في الاخر. ريهام سعيد وسيله ربنا استخدمها لمساعدة عباده.. وربنا هو اللي في ايده الرزق والشفاء.. ولا ميت الف ريهام سعيد.. !
و عايزه افكركو أن تلات اربع تجار الاعضاء والمخدرات.. بيعملو اعمال خيريه وبيحجو كل سنه تقريباً عشان يدارو على تجارتهم.. وان في ناس كتير مبتصليش الا لو قدام الناس عشان الناس تقول انهم بيصلو.. وده موجود وربنا ذكره في الدين.. “الرياء”
ريهام سعيد مش كويسه.. ومش بتاعة خير.. ومش بتعمل حاجه لوجه الله.. وتستاهل عقاب الدنيا والاخره..
