بالفيديو| مي عز الدين وشقيقتها هبه جبر في رحلة إلى المستقبل في برنامج “حكايتي مع الزمان”.. وبكاء مي عند رؤية شكلها بعد 80 سنة
يعد برنامج «حكايتي مع الزمان» من البرامج المختلفة كليًا والجديدة من نوعها، حيث يقوم معدي البرنامج بالسفر بالفنان إلى المستقبل وذلك عن ظريق تغيير شكل الفنان وتحويله إلى شخص متقدم عمريًا، تظهر عليه علامات الشيخوخة، وتقدم البرنامج الإعلامية منى أبو حمزة، على قناة «دبي»، ومن ثم يتحدثون عن انطباعهم عن تلك المرحلة العمرية، وفي حلقة الأثنين استضيفت الفنانة مي عز الدين وشقيقتها هبة جبر، ليخوضا تلك التجربة، ودارت الحلقة في أجواء فرح وبكاء، وهو ما سنستعرضه لكم من خلال موقعنا المتميز موقع نجوم مصرية.
التشابه
في بداية الحلقة حييت الفنانة مي عز الدين المذيعة منى أبو حمزة على استضافتها في البرنامج، وإعجابها بالحلقة، كما إنها إختارت أن تشاركها الحلقة شقيقتها هبة، قائلة:
«أحيي صاحبة فكرة البرنامج، واخترت أختي معايا عشان حاسة إنها هتكون ذكرى حلوة أوي، ولم أتحدث مع منى عن البرنامج، أنا حابه استكشفه لوحدي، وعايزة اتفاجئ في كل حاجة هاتحصل»
بينما قالت شقيقتها هبه عن تلك التجربة:
«الحلقة هاتكون ذكرى لينا ولأولادنا في المستقبل إن شاء الله، أنا ومي متشابهين في حاجات كتير، وشخصيتنا متقاربة جدًا من بعضها، ودي أول مرة أطلع فيها مع مي في برنامج»
الوقوف أمام الكاميرا
تحدث الفنانة مي عز الدين عن تجربتها مع التمثيل وعشقها للوقوف أمام الكاميرا، دون غيره، حيث قالت:
«أنا بحب لحظة الوقوف أمام الكاميرا بس، وأي حاجة تانية داخل المهنة دي مش بحبها»
أما شقيقتها هبه فقد تحدثت عن العلاقة القوية التي تربطها بشقيقتها مي، قائلة:
«إحنا أخوات بس مش من نفس الأب، أمي تبفي زوجة باباها، عشان كده أسمائنا العائلية مختلفة عن بعضها».
أفضل هدية
صرحت شقيقة الفنانة مي عز الدين أن أفضل هدية حصلت عليها من مي هي زوجها، حيث كان لها الفضل في التعرف عليه، حيث قالت:
«هي اللي عرفتني عليه في عيد ميلادي، كانت وخداني عشان تجيبلي هدية، بس كان فيه خطة تانية في دماغها»
تخيلات
قالت مي عز الدين متخيلة شقيقتها هبة بعد 25 عامًا، وبعد أن تكبر في السن، قائلة:
«هاتبقى أهدى من دلوقتي، الهدوء عندها هبيقى (دابل)، هبة عندها طباع قديمة أوي، ولو بقيت الطباع ديه معاها بعد ٢٥ سنة، هاتبقى مملة أوي، هي لسه لحد النهاردة بتدور كل يوم على الحتة اللي فيها شمس وتقعد فيها عشان تدفى، وتجيب الشاي بلبن وتشربه مع الكيك، وديه حاجات بتعملها ست كبيرة في السن، فتخيلي الشخصية ديه بعد كده هتبقى عاملة إزاي»
تجربة الـ 20 عام
خضعت الفنانة مي عز الدين وشقيقتها هبه لتغير شكلهم بالمكياج واتضحت عليهم علامات التقدم بالسن، فعندما رأوا أشكال بعضهن علت ضحكاتهن، وعلقت هبه على مي، قائلة:
«ينفع نلف الكراسي تاني، مش عايزة أكمل، ممكن نرجع تاني.. أما أنتي يا حاجة خلاص بعد المنظر ده مش هايبقى فيه فانز».
سخرية زوج هبه
سخر زوج هبه جبر والذي يدعى “أحمد أكرم” منها عند رؤيته لها بعد 20 سنة، كما سخر من مي عز الدين، قائلًا:
«لا إله الا الله، كده كملت، يا رب تبقى كده، أنا كنت متوقع أكتر من كده، يا إبراهيم والله حلو.. مش عارف هايكون حصل لي إيه في الـ٢٠ سنة الجايين، بس اللي هايحصل أكيد هايكبرني.. أما أنت يا هبة فخليكي عندك أحسن»
تجربة الـ ٨٠ عام
بعد الانتهاء من مرحلة تجربة الـ 20 سنة انتقلتا إلى تجربة الـ 80 سنة، وانصدمت هبه جبر من شكلها، وقالت:
«كل حاجة وقعت، ليه كده، هو إحنا صاحيين ولا ميتين»
أما مي عز الدين فقالت عن شكلها في تلك المرحلة:
«يا الله يا ولي الصابرين، لا إله إلا الله، بس الشكل ده عاجبني وحباه أكتر»
قالت الفنانة مي عز الدين عند رؤيتها شكلها في مرحلة «مواجهة الذات»:
«يا رب كل اللي بحبهم يبقوا حواليا وأنا في السن ده».
رسائل متبادلة
في نهاية اللقاء تبادلت الشقيقتان مي عز الدين وهبه جبر رسائل قرأهن لبعض، فقالت هبه جبر عن مي:
«في الصعب وفي أحلى لحظات حياتنا، ضحكنا وزعلنا واتخانقنا وخفنا ودافعنا عن بعض كتير، وأثبتنا إن الأخوات مش لازم يكونوا من نفس الأم».
كما وجهت الفنانة مي عز الدين إلى معجبها وأصدقائها ووالدتها وشقيقتها وشقيقها، قائلة:
«شكرًا على تعبكم معايا كل السنين ديه، في مساندي وتحملي، عارفة إني لم أعطيكم قدر ما أعطيتموني، ولكني لن أنسى كل الحب والاهتمام اللي خدته منكم»
