نشرت الشركة المنتجة (العدل جروب) لمسلسل ” نسر الصعيد ” الذي يقوم ببطولته الفنان محمد رمضان، أغنية دعائية للمسلسل قام بغنائها محمود الليثي وتحمل اسم (يا عمنا )، والمسلسل سيذاع في شهر رمضان 2018 على القنوات الفضائية ضمن المنافسة الدرامية الرمضانية.
يا عزوتنا يا لمتنا يا فرحتنا انت السبب في ضحكتنا
يا عزوتنا يا لمتنا يا فرحتنا عشانك الناس قدرتنا
يا اللي رافع راسنا قدام الخلايق كلها
يا اللي شيلت الشيلة عنا وكنت دايماً قدها
مهما قولنا وعدنا فيك كل ده قليل عليك
مهما نديك من حياتنا
مهما نديك من حياتنا
ديون علينا بنسدها
يا عمنا يا ضهرنا يا نور حياتنا كلنا
يا عمنا يا ضهرنا حايش كتير أوي عننا
يا عمنا يا ضهرنا يا نور حياتنا كلنا
يا عمنا يا ضهرنا حايش كتير أوي عننا
راجل وطول عمرك ولد عقلك بيوزن 100 بلد
طول الحياة واقف سند شايل كتنير عننا
يا عزوتنا يا لمتنا يا فرحتنا انت السبب في ضحكتنا
يا عزوتنا يا لمتنا يا فرحتنا عشانك الناس قدرتنا
يا عمنا يا ضهرنا حايش كتير أوي عننا
يا عمنا يا ضهرنا عايشين في خيرك كلنا
طول حياتك عايش لينا عشت بتحوط علينا
ياما بعت الدنيا ياما علشان تشترينا
زرعت فدادين جدعنا حنعيش عليهم كلنا ليوم القيامة
غيرك زرع قلة اصول في اهله وفي ناسه محصدش منهم في النهاية غير الندم
زرعت فدادين جدعنا حنعيش عليهم كلنا ليوم القيامة
غيرك زرع قلة اصول في اهله وفي ناسه محصدش منهم في النهاية غير الندم
يا عمنا يا ضهرنا يا نور حياتنا كلنا
فيديو أغنية يا عمنا
الفيديو من القناة الرسمية للشركة المنتجة على اليويتوب
الأغنية الدعائية لمسلسل نسر الصعيد للنجم محمد رمضان رمضان ٢٠١٨
انتاج العدل جروب
غناء: محمود الليثي
كلمات: محمد البوغة
ألحان: محمد عبدالمنعم
توزيع: اشرف البرنس
يشترك في بطولة المسلسل مع الفنان محمد رمضان النجوم والنجمات: وفاء عامر، درة، سيد رجب، عايدة رياض، دينا، بدرية طلبة، أحلام الجريتلي، محمد عز، أحمد داود، عائشة بن أحمد، مؤمن نور، محمد حاتم، حسن الديب، باسل الزارو، أحمد خالد صالح، يوسف عثمان، علاء شعير، أسماء جلال، كيرا الصباح، محمود الليثي، هدى مجد، حنان سليمان.
التأليف: محمد عبد المعطي.
الإنتاج: العدل جروب.
الإخراج: ياسر سامي.
تدور أحدات المسلسل حول ضابط الشرطة ” زين ” الذي يحبه الجميع في منطقته، ويعتبرونه القدوة، ولديه صفات الرجولة مثل الشهامة والجدعنة وتحمل المسئولية، ويصدر قرار بنقله إلى سيناء لمحابة الإرهاب.
