قامت الفنانة الجميلة غادة عبدالرازق، بالرد على تصريحات الفنان أحمد زاهر الأخيرة نحوها، والذى أكد فيها عن وجود خلافات بينه وبينها بسبب آخر عمل فنى جمعهما سويا وهو مسلسل “حكاية حياة”.
وأكدت الفنانة، أثناء استضافتها برنامج “لايت سبوت”، والذى يُذاع من خلال فضائية “صدى البلد”، وقالت:ـ “أحمد زاهر بيقول كلام ومش متأكد منه، وعمرى ما كان في خلاف بينى وبينه، ومحصلش بينا أى مشادات ولا مشاكل، وأنا مش مسؤولة عن الكلام اللى بيقوله، وكمان ليلى أحمد زاهر مرشحة معايا لمسلسل (تلت التلاتة) منذ البداية وحتى الآن، ولو كان في بينى وبين أحمد مشكلة مش ممكن أدخلها في الشغل”.
وتابعت غادة عبدالرازق:ـ “أنا عندى نظرة في الفنان اللى مش ضرورى يبقى دايماً بيعمل الدور ده، وكمان أنا راهنت على محمد القس وراهنت عليه أكتر لما اشتغل كوميدى، وبجد هو مُمثل شاطر أوى، وعشان السبب ده هو هيقدم دور مختلف في (تلت التلاتة)”.
وجديراً بالذكر، بأن الفنان أحمد زاهر كشف من خلال لقاء تليفزيونى عن وجود خلافات بينه وبين الفنانة غادة عبدالرازق، وعلق قائلاً:ـ “فى عداوة بينى وبين غادة، ولكن من عندها هى أنا معملتش ليها حاجة، وممكن أوى تكون مش بتحبنى.. وهى حرة مش هطلب منها تحبنى، وعلى الرغم من كده هى فنانة شاطرة ومن أقوى الممثلات بالوطن العربى، وعملنا مع بعض أحلى مشاهد في (حكاية حياة)”.
وقام الفنان، بالكشف عن كواليس مشاهده معها في العمل الذى تم عرضه في عام 2013، وعلق قائلاً:ـ “مكنتش موافقة إنى أكون موجود بالعمل، ولكنها رجعت في كلامها بناءاً على كلامها مع محمد سامى والمنتجه، وبعد ما قالوا ليا إنت مش معانا قعدت صليت ودعيت، وبعدها لاقيت تليفون جالى إنى موجود بالعمل، ولما روحت لاقيت طاقة سلبية من ناحيتها، وكل ده ومش عارف إيه السبب”.
