رسالة عفيفي لهنيدى
إلى الفنان القدير هنيدي،
نقدر شغفك واستجابتك لجمهور ال 100 الف ريتويت، الذي يطالب بعودة صعيدي في الجامعه الامريكيه 2،
انا فقط انصحك نصيحه مشاهد عادي مش حد خبير في المجال،
ذوقنا في الافلام حاليا سيء، انتاجيا واخراجيا وكتابة وتمثيليا، الموضوع اصبح سبوبه عائمه وحكر على بعض المنتجين، واصبحت مثل انتاج كيسا من الشيبسي أو كيس من الحلوى البائسه التي لا طعم لها،
ولم نرى فيلم كوميدي مؤخراً يليق بماضي السينما المصريه الكوميدي الذي تدارسه كل الدول العربيه مثل صعيدي في الجامعه الامريكيه القديم أو الناظر أو فول الصين العظيم أو عبود على الحدود، ولن ننتهى من ذكر كل تلك الاسامي، التي يستحوذ على النسبه الأكبر فيها افلام سيادتكم وافلام الراحل رحمه الله علاء ولي الدين،
الاكسبكتيشنز عليك كتيره، وعلى الفيلم اكتر خصوصا بعد اثاره الخبر، لو الفيلم لميت فيه كل الناس الي كانوا موجودين قبل كده مع احترامي ليهم، ومع ضيوف الشرف الجداد الممثلين من فئات مشهوره في المجتمع،..والفيلم تمت كتابته بشكل سيء أو اخراجه بشكل سيء
ستكون خيبه امل كبيره، وضربه موجعه لتاريخ محترم،
لن يشفع وجود نجوم كبار أو مشهورين في الفيلم، طالما مش مكتوب بعبقريه زمان أو لو مكانتش احسن كمان،
وازمة افلامنا الحاليه هي الكتابه، ثم الاخراج..اهتم وخد وقتك في الكتابه كويس جدا، اشرف على السيناريو انه ميكنش فيه سطر واقع أو ممل أو حشو عشان الفيلم يتعمل أو سطر يتكتب لنجم مخصوص، حتى لا تخيب امل كل الي منتظرين الفيلم،
احنا 2017، خصوصا مع الاكسبكتيشنز الكبيره، لو العمل مش معمول حلو، مفيش اسم ولا نجم ولا حاجه هتشفع فيه.
الله يعينك.
