كشف المخرج خالد يوسف، من خلال حواره مع الإعلامية أسما إبراهيم، مقدمة برنامج “حبر سري” المذاع عبر فضائية “القاهرة والناس”، عن رؤية تجاه ما يطلق عليه “السينما النظيفة”، وأكد أنه يفرض وجود أي شروط أو قيود من جانب الممثلين حول طريقة أدائهم لدورهم.
وجهت أسما إبراهيم سؤالها لخالد يوسف حول قبوله للعمل مع ممثل يرفض التلامس بقولها “لو جالك ممثل قالك أنا عايز اشتغل معاك بس في بعض المشاهد مش هعملها، هتوافق تشتغل معاه؟ حتى لوهو رهيب بس عنده تحفظات، من الآخر هو ضد التلامس واللي أحنا بنسمعه اليومين دول، هتشتغل معاه”.
ورد خالد يوسف بقوله “أي حد هيحطلي شروط من حيث المبدأ هرفضها، لكن فكرة أن يجيلي الممثل ويقولي أنا نفسياً مبقدرش أعمل المشاهد الحميمية مثلا، لو عندي مشهد فيه حميمية هقوله للأسف مش هتقدر تعمل الفيلم، لكن لو معنديش هقوله يا أبني أنا معنديش أصلاً”.
وتابع “أنا شايف أن رفض التلامس ده فهم قاصر للفن، اللي ترفض تمسك أيد ولا تحضن فنانة ده فهم قاصر، لكن ده رأيي هو ليه رأي تاني أنا بحترمه”.
أنا حاربت السينما النظيفة
وجهت أسما إبراهيم سؤال لخالد يوسف حول مفهوم السينما النظيفة، ورد خالد يوسف بقوله “أنا طول عمري ضدها وخضت حرب من بداياتي وخلال العشر سنين اللي أخرجت فيهم ضدها، أنا شايف أن ده فهم قاصر للفن، الفن في النهاية حالة تعبر عن الحياة بكل ما مفرداتها”.
يذكر أن أخر أعمال خالد يوسف كان مسلسل “سره الباتع” الذي عرض في شهر رمضان الماضي، وتعرض لعدة فترات تاريخية منذ الحملة الفرنسية على مصر في مطلع القرن التاسع عشر.
