حلا شيحة فنانة مصرية من ام لبنانية وهى ابنه الفنان التشكيلي أحمد شيحة وشقيقة الفنانة هنا شيحة ولدت بالقاهرة في 23 فبراير عام 1979، كان أول أدوارها مسلسل كلمات مع الفنان القدير حسين فهمي، وأول أعمالها السينمائية فيلم”ليه خلتني أحبك” ولا ينسها لها الجمهور المصري والعربي دورها في فيلم اللمبي والذي قد حقق نجاحا باهرا وقتها وتعلق بها الجمهورفي هذا الدور بإفيهاتها التي تعلقت بأذهان المشاهد.ظهر بالحجاب لأول مرة على شاشات السينما من خلال فيلم كامل الأوصاف مع الفنان عامر منيب
تزوجت الفنانة حلا شيحة لأول مرة من هاني عادل وهو أحد عضاء فريق وسط البلد ولكن زواجها لم يستمر لفترة طويلة وبعد ذلك أعلنت اعتزالها وارتدائها النقاب وتزوجت من رجل كندي أشهر إسلامه قبل الزواج منها بعدة سنوات وتوارت أنباء عن عملها كداعية إسلامية بأحد المراكز الإسلامية دون مقابل
رغم غياب الفنانة حلا شيحة منذ سنوات عن الساحة الفنية وانشغالها بالعمل الدعوي وخاصة بعد ارتدائها النقاب وزواجها فقد ظهرت للأضواء من جديد وبدأت تتواصل مع جمهورها من خلال موقعها الشخصي على موقع التواصل الإجتماعي الفيس بوك واعترفت أن الفنانة حنان ترك كانت سببا في ارتدائها النقاب وانهالت العديد من التعليقات على منشورها فقد كتبت:
كتير بيبعاتولي على الخاص ممكن نعرف ازاي النقاب
لأنه من خطوة سهلة ازاي وصلتي انك تلبسيه
و لوقلتلكم انه ماكانش على بالي أبدا اني ممكن البسه في يوم ما بالعكس كنت بشوف انه صعب جداسبحان ولكن عمري ما كرهته أبدا وأنا صغيرة كنت احيانا المح واحدة ماشية بالنقاب وعمري ماقولت ايه ده
الحمد لله
أنا في الأول اتحجبت شوية بس وبعدين قلعته ثاني ورجعت التمثيل تاني
لكن لمارجعت كان اتغير فيا حاجات كتير
و كنت حاسة بتناقد في حاجات كتيرحواليا وجوايا
خصوصا لما الانسان يبتدي يعرف الحلال والحرام والصح والغلط بيبفي صعب عليه يعيش نفس الحياة
يا حيروح للاكستريم اوي أو حيلحق نفسه قبل ما يقع
قعدت ٣سنين امثل ثاني بس مش سعيدة أو بحاول
و اخر سنة منهم كان رمضان وكنت بصور لمجلة مشهورة فوتو شوت
و الصور طلعت احلي صور ليا شفتها من أول التمثيل
بس خلصت
التصوير وأنا مروحة طول الطريق بفكر
و بعدين يا حلا الصور دي حتنزل واحنا خلاص رمضان قرب طيب ربنا
كنت في العربية وقتها وابتديت اعيط جامد جداً لدرجة اني ركنت العربية ونزلت
قعت ألح على الله انه يهديني ثاني وانه قادر وانه ودود وبكلمه وبعتذر له
بعدها روحت
دخل رمضان وطول الشهريدوب أفطر تمر واجري المسجد أصلي التراويح وادعي واروح أصلي القيام وادعي كل يوم مفوتش يوم
اخر رمضان جتلي مكالمة وبنوتة جميلة هي حبيبتي لحد الان
سلمت عليا وسألتها نفسي احضر درس واسمع عن الله قالتلي عندنا معلمة سيرة جميلةتعالي احضري مرة معانا
طبعا أنا علطول حسّيت الدعاء استجاب وروحت وفضلت أنا اللي بتكلم اد ايه أنا بحب ربنا وحكيت احوال مع الله وبكيت المعلمة متكلمتش ولا كلمة بس في الاخر قالت تعالي نصلي العشاء قبل ما تروحي وصليت معاها وأنا نازلة قلت لها ممكن اخلي الطرحة بتاعة الصلاة قالت اتفضلي
و نزلت بها وكان اجمل احساس وروحت بيها
و اتحجبت ثاني من وقتها
و عملت اخر فيلم بالحجاب
و دي مرحلة النقاب كنت في اخر ايّام الفيلم
الاخير
كامل الاوصاف
العبرة اللي أنا نفسي اتعلمتها من الفترة دي
الإلحاح على الله في الدعاء
الصدق مع الله
استغلال الأوقات والأيام والشهور التي لها فضل عند الله زي رمضان مثلا
الدعاء بيقين
ياريت تشاركوا معايا
بمعني أو عبرة وأكيد كل واحدة ليها قصة لالتزامها
ابعتوهالي وأنا انشرها أن شاء الله
