أثارات الممثلة المصرية مها أحمد، حالة من الغضب بعد ظهورها خلال لايف بصحبة هادي وفادي خفاجة، حيث وجهت رسائل تحمل الكثير من التعبيرات والكلمات الجارحة لمنتقديها، كما وصفت الكثير من متابعي اللايف بالخدامات، بعدها ظهرت في فيديو جديد لتوضح الصورة لجمهورها.
أنا حرة ومحدش له حاجة عندي
وعلقت مها أحمد على الواقعة بعد أن ظهرت في بث على حسابها على “تيك توك” بقولها “إحنا بنطلع عشان مبنشتغلش، في الوسط مبنشتغلش ولقينا مجال زي السوشيال ميديا، ولو أنا مثلًا بعمل مسرح ولو فيه عائلة سعودية أو كويتية بيجيبولي هدايا، وعندي أصدقاء يمنيين بيجبولي فضة وبقبل الهدايا، فهل أقبل الهدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي”.
وتابعت “خلاصة الموضوع، إحنا داخلين على التيك توك عشان نشتغل، أنا واحدة ماضية عقد مع تيك توك وتبع إدارة التيك توك، أنا موظفة وبشتغل ولازم أشوف شغلي وأكل عيشي وبفكر الناس بيا والـ CV بتاعي وإني فنانة وموجودة حتى لو ماليش أعمال دلوقتي”.
وعن تعمدها اعتلاء التريند قالت “الواحد هيرجع وأقول ربنا يشفي كل مبتلى أو مريض، قلة الدعم بتجيب حالة مش طبيعية وكلنا بنكتئب، فيه واحد بيعبر عن حاله ويطلع لايف ويبقى تريند، يعني فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي”.
View this post on Instagram
وأضافت “كل حد بيستخدمني عشان يطلع تريند هو حر، وإنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع والرغي واللت والعجن وشتايم الناس وإني أسخر الأدمن اللي عندي يسجلوا كل اللايفات، ليه يعني؟”
@cairo24 مها أحمد: إحنا مبنشتغلش بالوسط الفني.. وبقبل هدايا على تيك توك وأنا حرة ومحدش له حاجة عندي
يذكر أن أخر الأعمال التي تم عرضها لمها أحمد كان مسلسل “بيت الشدة”، والذي شاركت خلاله مع مجموعة كبيرة من الفنانين، والمسلسل من تأليف ماجي عبدالله وإخراج وسام المدني.
