“أخوه لسه ميت، فين الإنسانية، فين احترام الآخرين”.. بهذه الكلمات لقاء الخميسي تدعم حارس مرمى الاتحاد السكندرى
قامت الفنانه لقاء الخميسى بدعم اللاعب أحمد يحيى حارس مرمى الاتحاد السكندرى وذلك بعد مغادرته الملعب باكياً بسبب شتم الجماهير له بالفاظ جارحه.
كتبت الخميسى رساله على صفحتها الشخصيه على الفيس بوك قائلةً:ـ”الحقيقه الواحد ساكت بقاله سنين بس اللى بيحصل ما يسكتشى عليه اللى حصل النهارده ما ينفعشى وما يرضيش حد، الاخلاق راحت فين، الانسانيه راحت فين، احترام الاخر فين،اللى حصا النهاره مع أحمد مشهد بائس ويقلق ولا يمت للانسانيه بصله، لازم كلنا ندخل وندعم أحمد علشان اللى حصل معاه ما يرضيش ربنا”.
وأضافت الفنانه”أحمد حارس ممتاز ومجتهد ويتمتع بالاخلاق العاليه، وشاب في بدايات حياته وأخوه لقى ربه من يومين وهو نزل الملعب ولعب وعمل اللى عليه وتصدى للكثير من الكرات، والاخطاء اللى بتحصل من اللاعيبه كلها ليه يتحساب هو لوحده، ليه الهجوم يبقى عليه لوحده وهو في الظروف دى”.
وتابعت الفنانه”ليه الشتيمه ليه كل الاهانات دى، ليه الالفاظ الجارحه دى، ياناس دى رياضه مش خناقه بين شوية بلطجيه، الرياضه متعه أحترام للاخرين مش نسب ونهين بعضنا، ومفيش شك أن أحمد لاعب كره وبيقوم بشغله ونفسه يبقى أحسن من اى حد وعنده أحلامه، وعند أهله اللى بيزعلوا لما حد يجيى عليه أو يهينه أو يقلل منه، عند أُم وزوجه وواخوات بيزعلوا لما حد بيجرحه الموضوع محتاج واقفه”.
وأنهت كلامهابـ” كفايه بقى كفايه حرام عليكوا تكرهوا الناس في شغلهم وعيشتهم وتضعيوا كل المجهود اللى بيقوم بيه، مش من حق أى حد يتعدى على أى حد لازم نحترم بعض ونقدر بعض ونعذر بعض، ومفيش حد له مطلق الحريه انه يشتم ويسب في الاخرين مهما كان السبب، هل تقبل ده على نفسك أو حد من أهلك طبعا ماحدش هيقبل، عاوزين نتقى ربنا أتقةا ربنا بقى حرام عليكوا”.
