لا يوجد شيء علمي يفسر ارتباط معظم المصريين بتناول الفول والطعمية صباح كل يوم، إلا أن ذلك أصبح عادة أصيلة من عادات وتقاليد المصريين.
وتنتشر عربات الفول، في معظم شوارع القاهرة والجيزة، صباح كل يوم، عدا الجمعة، نظرًا لإجازة الموظفين، لتقديم وجبات الإفطار للزبائن سواء “طلبات” أو “سندوتشات”، حسبما يرغبون.
وتجذب عربات الفول، بعض البنات، رغم أن معظم روادها من الرجال والشباب والصبية، إلا أن رائحة الفول تجذب الجنس الناعم أيضًا.
وقدم “نادر عماد”، أحد رواد مواقع التواصل 33 معلومة لمن لم يأكل على عربيات الفول. وهي كالآتى
1- الفول عالعربية بيتأكل بالزيت الحار.. الزيت الحلو ده تأكله في آرابياتا أو في بيتكم.
2- الملعقة اللي طلبتها دي تأكل بها زبادي جهينة لايت ! الأكل ده بيتأكل تغميس كل بالعيش ودن قطة.
3- العيش ممكن ينزلك مبلول شوية.. دي مية سلطة عادي
4- البيض هنا شيءجميل.
5- ما تحرمش نفسك طالما جيت ممكن تأكل السلطة لو هاتموت هاتموت من البيض والفول عادي.
6- الأطباق بتتغسل على فكرة.
7- ملكش أي دعوة الأطباق بتتغسل فين وإزاي التفاصيل الصغيرة دي كفيلة بإفساد أي علاقة.
8- بلاش تسأل إيه الغامق اللي في الإزازة اللي هناك ده
9- مفيش حاجة على عربية الفول اسمها فرايز !
10- قول بطاطس – عاوز تبقى شبح قول صوابع – لو شيبسي قول شيبس.
11- لو إنتي بنت ده ميدكيش الحق إنك تقولي فرايز دي خالص.
12- أي حاجة حط عليها شطة شطة كتير.
13- قال فرايز قال !
14- البتنجان بيخلص الساعة 10 الصبح لو بتحبه انزل بدري.
15- جو إنك تفضل في العربية وتنزل الإزاز وتطلب جوه العربية ده مش سليم التجربة تكتمل عالعربية نفسها – الكنز في الرحلة.
16 – أنت فاكر سفن أب هيزود فرصتك في النجاة؟ كده أنت أوستيك ياعني؟ أبدًا ولا هايعمل حاجة.
17 – البصل حلو منه بصل ومنه مطهر.
18 – كل المنتجات تستحق التجربة.. لو فيه جبنة وطعمية توكل على الله والجرجير حكاية
19 – من حقك تحبس بعد الأكلة دي لو مستاذن من الشغل خليك واضح. قولهم هافطر و(احبس) وجاي.
20 – الزحمة اللي عالعربية دي وهمية زي زحمة صلاح سالم اتجاه السيدة عائشة. دقيقتين وبيفك.
21 – الأكل حلو فشخ على فكرة.
22 – لو خفت ماتكلش – لو كلت ماتخفش.
23 – احترم أي بنت بتأكل من عربية الفول.
24 – ماتتفرجش على أي بنت وهي بتأكل من عربية الفول. بس بينك وبين نفسك احترمها. البنت دوغري ومش بتمثل.
25 – حباية الانتينال (المطهر) مش مجدعة – التجربة بحلوها ومرها.
