ياسمين عز: متقوليش لجوزك أول ما يقبض عاوزه فلوس اعمل بروتين لشعرى..بروتين إيه يا مدام ما انتي طول عمرك عايشه بتسريحة الأناناسة

مازالت نصائح الإعلامية ياسمين عز التي تقوم بتقديمها للزوجات خلال برنامجها “كلام الناس” لا تنقطع، وقد نصحت الزوجات في حلقة اليوم السبت الموافق 7 يناير 2023 بعدم إستغلال راتب الزوج من أجل الزينة والاهتمام بالمظهر. 

وقد صرحت ياسمين عز قائلة: في موضوع منتشر بشكل كبير الأيام دي وأنا طالعة عشان أحذركم منه، ماتجيش أول ما جوزك يقبض مرتبه أو الجمعية تقوليله عاوزه فلوس عشان اعمل بروتين لشعرى، بروتين ايه ما انتي طول عمرك عايشة بتسريحة الأناناسة، حبكت وقت ما جوزك مسك فلوس، عاوزة تاخذيهم عشان تعملي شعرك، البروتين مضروب في السوق لغوه خلاص، اسمعي مني، هو مضر بالصحة وبالفلوس بتاعت جوزك. 

وأكملت حديثها قائلة: بدل ما تعملي بروتين لشعرك مش هيفيدك، تعملي صينية بط بالبرتقال، إنتي كده أخدتي بروتين طبيعي وكمان كسبتي زوجك، واوعي تفكري إنك أحلى منه، لا إنتي قمر وهو بدر منور.