قامت الإعلامية “ياسمين عز” بالمواصلة في تقديم نصائحها للزوجة المصرية في كيفية التعامل مع الزوج، وقد تحدثت خلال حديثها في حلقة اليوم الأحد الموافق 22 يناير 2023 عن زوجة طبيب الأسنان، ووضحت المزايا التي تتمتع بها الفتاة المخطوبة أوالمتزوجة منه.
وقد صرحت ياسمين عز قائلة: لو متجوزة أو مخطوبة لطبيب أسنان يبقى أكيد ربنا بيحبك أوي، عشان إنتي معاكي راجل فيه جميع المواصفات اللي بتمناها وبتحلم بيها أي ست في الدنيا، وينطبق عليها المصطلح الشهير فول اوبشن، إحمدي ربنا على نعمته.
وأضافت في حديثها: دكتور الأسنان متواضع ومؤدب ومتعاون، ولسانه دايمًا بينقط شهد، ومن الصعب إنك تقابلي أي طبيب أسنان معندوش الكاريزما دي، بتلاقيه عامل زي المغناطيس وغصب عنك بتتشدي ليه، وبتكوني مستريحة جدًا وإنتي بتتكلمي معاه، وهتلاقيكي مش عارفة انتي مرتبطة بدكتور نفسي ولا دكتور أسنان.
واستكملت حديثها: بتلاقي عند دكتور الأسنان قدرة غير طبيعية في الاحتواء والاستيعاب، وهتلاقيه بيتحملك في أصعب الفترات اللي بتمري بيها في حياتك، وصوته دايمًا مائل للجاذبية.
