تواجدت النجمة الشهيرة وفاء عامر في برنامج مساء dmc مع الإعلامية إيمان الحصري، وقد قامت بالحديث عن أحد المواقف الطريفة مع إبنها عمر، حيث قد أكدت أن نجلها دائمًا ما يقوم بصنع المقالب لها.
وتحدثت وفاء عامر قائلة: ابني عمر بيعمل مقالب فيا كتير، وفي مرة لقيته داخل عليا وهو بيشرب سيجارة، فقمت عضيته جامد أوي لحد ما قعد يصرخ ويقولي دا مقلب، وفعلًا إكتشفت إنه كان مقلب، بس بعد ما كنت عضيته خلاص.
وأضافت: شخط في ابني جامد وقولتله انت بتجيب سجائر بفلوسي، ولكن طلع مقلب الحمد لله، وهو أصلًا مبيحبش ريحة السجاير.
وأكدت الفنانة وفاء عامر أن عام 2022 كان بمثابة تعويض لألم نفسي شديد، مؤكدة: حسيت إني ظلمت نفسي في أحد الأعمال، كنت رايحة بقلب جامد أساعد، ولكن إنك تقف في ظهر حد وبعد كدا يطعنك في ظهرك، بتبقى صعبة أوي.
