هشام ربيع بعد انفصاله عن بوسي: كنت ببعت لأبوها مرتب كل أول شهر وأقوله إن هي اللي بعتاه.. وأطلب منه يدعيلها

كشف رجل الأعمال هشام ربيع، عن قضاءه أربعة أشهر في السجن بسبب طليقته بوسي، بالإضافة إلى خسارته مبلغًا قدره 21 مليون جنيه، حيث وجهت إليه تهمة الاستيلاء على شيكات بقيمة 8 ملايين جنيه من المنتج الراحل وليد فطين، طليقها السابق.

حيث قال في تصريحات صحفية: “دخلت السجن بسبب بوسي عشان كان عليها شيكات.. ودفعت عشانها 21 مليون جنيه.. وربنا يسامحها.. أنا مش عايز منها حاجة غير إنها تبعد عني وعايز أشوف شغلي”.

وأضاف: “كنت ببني مول جديد ومحدش رفع سماعة التليفون عليا عشان يشتري أو يأجر بسبب الإشاعات اللي طلعت في الفترة الأخيرة.. أذتني في شغلي اللي بملايين”.

وتابع: “كنت ببعت لأبوها مرتب كل أول شهر.. وبقوله إن بوسي هي اللي بعتاه وكنت بطلب منه يدعيلها.. وأنا اللي علمتها تدفع صدقات تعليم للأيتام.. وقولت لها دول كام سنة عايشينهم وفي النهاية هنقبل ربنا”.

وأعلن هشام ربيع، انفصاله عن المطربة بوسي، رسميًا منذ خمسة أيام، بعد أن تم تبرئته من القضية الملفقة ضده والتي اتهمه فيها طليقها السابق بسرقة 8 ملايين جنيه بالإكراه.

يذكر أن هشام ربيع وبوسي، قد احتفلا بزفافهما في شهر مايو الماضي، في الحفل الذي أقيم داخل أحد الفنادق الكبرى بالقاهرة، وحضره عدد كبير من نجوم الفن والمجتمع.