نجوى فؤاد: “معرفش مين منى فاروق دي مسمعتش عنها، وميرهان حسين يمكن جالها جوازة فيها طيارة أو عربية كارو عشان كده فكرت تعتزل” | تفاصيل

انتشرت عبر وسائل التواصل الاجتماعي شائعات عن اعتزال الفنانة نجوى فؤاد الفن، وعبرت نجوى فؤاد عن استيائها من تلك الشائعات التي لا تعرف مصدرها، وقالت إنها تمر بوعكة صحية.

وقالت نجوى فؤاد : “أنا معتزلتش الفن ليه يطلع عليا كلام زي ده، نفسي أفهم مين طلع الإشاعة القذرة دي أنا عاملة عملية القطنية في ضهري بقالي شهرين تلاتة وبعدين ما في كتير ناس اتكسرت ورجليهم اتجبست بتاخد وقت مش بسرعة بتشفى، مطلعين إشاعة غريبة جدًا”.

مضيفة: “يعني ازاي أبقى عملية عملية وعايزني أنزل أعمل أفراح وأعياد ميلاد، وبعدين الحر ده في نملة قادرة تخرج، الراجل بيخرج عشان شغله، إنما الحر ميسمحش حد يخرج من بيته، بقالي 20 يوم”.

وتحدثت في قرار بعض الفنانات بالاعتزال، وقالت نجوى فؤاد: “معرفش مين منى فاروق دي مسمعتش عنها، وميرهان حسين يمكن جالها جوازة فيها طيارة أو عربية كارو عشان كده فكرت تعتزل، وترجع تاني بعد ما تخلص شغلانة بقت سمك لبن تمر هندي”.