أدلت الفنانة الشابة ملك أحمد زاهر، بتصريحات صحفية منذ ساعات قليلة كشفت خلالها مواصفات فتى أحلامها، ومعايير اختيارها لشريك حياتها المستقبلي.
حيث قالت: “لازم البني آدم اللي هرتبط بيه يكون حنين.. ومش قاسي عشان مش هتحمل ده.. لازم يعاملني بحنية لإن أنا حساسة جدًا برغم شخصيتي القوية”.
وأضافت: “لازم يديني ربع معاملة بابا ليا.. لإن بابا أحلى حاجة في حياتي.. فالاختيار هيبقى صعب أوي.. وأنا واخدة كل الحنية في بيتي هطلع وأسيبها ليه؟”.
وعن رأيها فيما يتم تداوله خلال الفترة الماضية بشأن الظلم الذي يتعرض له الرجل في الأعمال الدرامية بعد التركيز على قضايا المرأة، قالت: “مفيش ظلم ولا حاجة.. إحنا لما صدقنا إن بقى فيه أعمال للمرأة.. والراجل واخد حقه تالت ومتلت.. إحنا اللي لسه بنحاول ناخد حقنا”.
الجدير بالذكر أن الفنانة ملك زاهر، تصور حاليًا مشاهدها في مسلسل “محارب” الذي يجمعها بوالدها الفنان أحمد زاهر، ويقوم ببطولته النجم حسن الرداد، ومن المقرر عرضه في شهر رمضان المقبل.
“محارب” بطولة: حسن الرداد، وأحمد زاهر، وماجد المصري، وتامر عبد المنعم، ونيرمين الفقي، وناهد السباعي، ومحمود عمرو ياسين، ومنة فضالي، ومحمود الليثي، وملك أحمد زاهر، وغفران محمد، وسما إبراهيم، وسلوى عثمان، وسلوى خطاب، وعفاف شعيب، وبسنت أحمد أبو باشا، وسما إبراهيم، من تأليف: محمد سيد بشير، وإخراج: شيرين عادل.
