انتشر عبر مواقع التواصل الاجتماعي الفيسبوك وتويتر صورة أبكت الملايين لورقة قام الطالب أيمن على موسي الطالب بالسنة الثانية بكلية الهندسة الجامعة البريطانية ومدرب كرة ماء في نادي هليوبوليس قام بإرسال رسالة إلى والدته من داخل المعتقل بعد الحكم عليه ب خمسة عشر عاما بعد أن تم القبض عليه يوم 6 أكتوبر 2013 في أحداث رمسيس.
هذا وقد توفي والد ايمن السنة الماضية نتيجة حزنه الشديد على ابنه ولن يستطيع ايمن حضور دفنته رغم قيامه بتقديم طلب خروج ليوم واحد فقط وتم رفضه، وقد تم رفض النقض الخاص بالطالب وتم تنفيذ حكم السجن لمدة 15 عام مضي منهم سنتين حتى الآن.
نصف رسالة الطالب ايمن لأمه من داخل المعتقل:
” أمي.. السلام عليكم
أخبارك إيه؟
أسأل الله أن يربط على قلبك ويثبتك كما ثبت أم موسى.
أنا مش فاهم حاجة من إللي حصل، كنا متوقعين إنه يقبل، بس قدر الله وما شاء فعل، الحمد لله على كل حال.
أنا مش عارف هصبر على الابتلاء ده أزاي؟ بس عارف إن ربنا لطيف بعباده، وإنه لا يكلف نفسا إلا وسعها وما تتحمل.
كل الأسباب خلصت، مفيش غير قدرة ربنا اللي باقية.
كان نفسي أكمل في هندسة بس كده شكلها خلاص.
الحمد لله إحنا أحسن من ناس كتير، على الأقل بنشوف بعض. في ناس محبوسة في بلاد تانية وأهلها ميعرفوش عنها حاجة..
أمي.. محدش إختار شكله ولا أهله ولا عيشته، ربنا إللي إختار لنا. فنفوض أمرنا له ونسلم لحكمه، وندعي إنه يخفف علينا، وإن شاء الله هيخفف.
وربنا عارف إني معملتش حاجة، ولا أذيت حد، ولا في نيتي أأذي حد.. فده يكفيني
أيمن دخل السجن وهو عنده 21 عام وسيخرج وهو عنده 37 عام نناشد كافة المسئولين والمعنيين حل أذمة مثل هؤلاء الشباب الذي سيضيع شبابهم في السجون وسيخرجون دون مستقبل ولا أمل راجين من الله أن تتسع صدور المسئولين لهم ليستكملوا حياتهم بشكل طبيعي.
حسبي الله ونعم الوكيل فيك وان شاء الله ربنا هيخليك في نفس موقفه او اي حد عزيز عليك عشان تعرف معني الظلم وممكن بعدها تبقي بني ادم ليه قلب
الحقيقة الخبر ناقص جزئية مهمة جدا .. هو أيمن جريمته إيه؟؟؟ لو كان بريء و ما فعله لا يستحق سجنه فطبعا المطالبة بخروجه منطقية – بل و واجبة… لكن لو جريمته تستأهل ما ترتب عليها من عقاب , فمش فاهم إيه معنى المطالبة بالإفراج عنه “علشان شكله جميل و شباب و كتب لأمه جواب مؤثر”؟؟!!
ثم مش فاهم إيه حكاية أبوه مات من الحزن دي.. أمال الناس اللي بتموت كل يوم دي بيموتوا ليه؟ علشان أولادهم في السجن؟؟ و حتى لو كان الحزن شارك في التعجيل بموت الأب – فده أجله و مشيئة الله سبحانه و تعالى , و نصيب الوالد أن ابتلي بإبن أخطأ و أدين في جريمة عقابها السجن!!! من الآخر الخبر ده مش خبر.. ده موضوع إنشاء يلعب على العواطف و لا يحترم عقل من يريد أن يحكم عقله.
حسبي الله ونعم الوكيل فيك …..انت ان شاء الله ربنا يخليك في نفس موقفه او في حد عزيز عليك ويمكن ساعتها تبقي بني ادم ليه قلب
حسبنا الله ونعم الوكيل اللهم انزل غضبك بالظالمين وارح قلوب المظلومين
اللهم انتقم من عبد الفتاح السيسي هو كل من والاه في ظلمه علي المصريين يارب ارنا فيهم يوم اسود عليهم و اشف صدور قوم مؤمنين
اللهم فك اسره هو وكل مظلوم فى هذه الدوله
اللهم فك اسره هو وكل مظلوم فى هذه الدوله اللهم لا تحمل علينا اصرا كما حلته على الذين من قبلنا
اللهم فك كرب المكروبيين ارجو من المسؤلين احتواء هؤلاء الشباب حتي لايخرجون من السجون ناقمون علي المجتمع لاحسسهم بالظلم
حسبي الله ونعم الوكيل ؛ أتخيل هذا الشاب وهو فى سن ولدى الكبير ؛ فاحزن حزنا شديدا ؛ اللهم فك كرب المهمومين ،،،