محمد فراج يرد على هجوم الجمهور على داليا شوقي بعد مشهد لها في مسلسل سفاح الجيزة | بالفيديو المشهد والرد
تعرضت الفنانة الشابة داليا شوقي إلى موجة من الهجوم والانتقادات بعد مشاركتها في مسلسل سفاح الجيزة بطولة أحمد فهمي، وعلق الجمهور على أحد مشاهدها الذي اعتبرها over reacting.
ورد النجم محمد فراج على تعليقات وهجوم الجمهور على الفنانة الشابة داليا شوقي شقيقة زوجته من خلال خاصية الاستوري على حسابه الشخصي والرسمي على موقع التواصل الاجتماعي الشهير بتبادل الصور والفيديوهات إنستجرام.
وكتب محمد فراج: “بعد مساء الفل، فوجئت بعدد كبير من أصدقائي بيقولوا لي (مزعل الجمهور ليه يا فراج)، بصراحة استغربت من السؤال، أنا بقالي 15 سنة ممثل عمر ما حصل إن اتقال عني جملة زي دي”.
مضيفاً: “القصة باختصار، أنا كنت في العرض الخاص لفيلمي، واتسألت من برنامج محترم عن ردي على إشاعة انفصالي عن بسنت وانتقاد أداء داليا شوقي، ورغم أن لا الوقت ولا المكان يستحملوا الكلام دا لأننا بنحتفل بالفيلم، لكن احتراما للإعلام بشكل عام جاوبت، بس زي ما كلكم عارفين أن صيغة السؤال بتتحذف في المونتاج، والخبر اللي بينتشر هو الإجابة فقط لا غير”.
وأكمل: “السؤال كان “إيه ردي على حملات الإهانة والتجريح”، فأنا قولت إن ده ماينفعش ناخده بجدية، لكن ماكنتش بتكلم على الجمهور بشكل عام إطلاقا، أنا متأكد إن جمهوري اللي بنى اسم محمد فراج فاهم معنى كلامي كويس، وعارف إن فيه فرق بين الرأي حتى لو سلبي، وبين الشتيمة، فيه فرق بين وجهة النظر والتجريح، ومتأكد كمان أن جمهوري عارف أن مستحيل أحجر على رأيه”.
وأكمل فراج: “ياريت دايما الحكم على أي موقف أو رأي يكون بنظرة شاملة مش من خلال سطرين متاخدين من مانشيت على فيسبوك أو من فيديو اتعمل له مونتاج”.
واختتم كاتبا: “معلش طولت عليكم، بس ممكن اللي حصل دا فرصة لتأكيد امتناني الدائم بأراء الجمهور، وإني بستفيد من النقد والملاحظات زي ما ببقى سعيد بالإشادات، بحبكم وشكرا على دعمكم ليا من بداية مشواري”.
View this post on Instagram
وقال الفنان محمد فراج خلال لقائه بشاشة et بالعربي: “مفيش حد من اللي اتكلم بيفهم في الشغلانة كلها أكونتات وهمية وفيك وتحس انهم واخدين فلوس.. الناس دي هتتكلم ليوم الدين والمهم ان القافلة تسير”.
