محلل اقتصادي يحذر من أيام عجاف وأسوأ قرارات سيتم اتخاذها قريباً ويقدم نصائح هامة للأسرة المصرية للتغلب على القادم

يعاني المصريون في هذه الأيام من أزمات طاحنة، بسبب الأزمة الاقتصادية التي تمر بها البلاد، بداية من غلاء أسعار كل شيء، وعدم المقدرة في الحصول عليها لعدم توافرها، وكان أبرز هذه الأشياء أزمة السكر، ولكن المثير للدهشة أن محلل اقتصادي قام بالتحذير من موجة أخرى من الأزمات والغلاء والتي ستعكر صفو الأسرة المصرية وقدّم النصائح للمصرين للتكيف مع هذه الأزمات.

حيث قال المحلل الاقتصادي عمر الشنيطي في تدوينة له على حسابه الشخصي، “لفترة اللي جاية هتكون صعبة جدًا من الناحية الاقتصادية. مستويات ارتفاع الأسعار هتكون غير مسبوقة. الناس دلوقتي بتشتكي من الأسعار ومتصورة إن اللي حصل في آخر كام شهر ده جنان لكن للأسف الفترة اللي جاية هتكون أسوأ مع القرارات المرتبطة بقرض صندوق النقد اللي أصبح لا مفر منه. الكلام ده هيأثر على القوة الشرائية للناس اللي هتنخفض بشدة أكتر من الوضع الحالي”.

وأضاف في تدوينته قائلاً “للأسف كتير من الرجالة في مجتمعنا بياخدوا الموضوع على صدرهم ومن القرف يطلعوا الكلام ده على بيوتهم وولادهم وده هيكون سبب لحالات انفصال ومشاكل أسرية من القرف وضيق الحال. الراجل العاقل هو اللي يجيب مراته وولاده ويفهمهم الوضع ويقعد يفكر معاهم إزاي يقللوا المصاريف بشكل عام. التظاهر بالقوة والسيطرة مش مفيد لكن الصراحة والمشاركة هي الحل،  الخلاصة إن الفترة اللي جاية هتكون صعبة على الكل والأفضل إن الناس تدرك ده وتستعد له بدل ما تصب قرفها من ضيق الحال على بيوتها وولادها”.

شاهد التدوينة كاملة..