قالت الفنانة فيفي عبده، أن الراقصة لها جمهورها الذي يحترمها ويشاهدها، لافتة إلى أن الراقصة ليست إمرأة سيئة السمعة طوال الوقت، وأن الكثير منهن محترمات ويعتبرن الرقص مهنة فن وإبداع.
وأضافت فيفي عبده خلال تصريحات إذاعية، “أنا عملت فرض ربنا وحجيت 5 مرات، كفاياكم تقولوا الرقاصة راحت والرقاصة جت عيب كدة، هو مفيش شماعة مايلة غير الرقاصة، لأ الرقاصة دي ليها ناسها اللي بيحترموها ويقدروها ويتفرجوا عليها، كفاية بقى زهقونا من كلمة رقاصة كلمة مالهاش أي لازمة، الرقص ده فن زي أي فن”.
وكشفت فيفي عبده عن رأيها في الجيل الحالي من الراقصات، قائلة: “لأ الجيل ده بعافية شوية، الرقص ده زمان كان ليه هيبته وقيمته، حتى الزبون اللي كان بيتفرج كان له تقله مش زي دلوقتي خالص، إنما دلوقتي الرقاصة بالريموت كأنها لعبة وبيقلدوا بعض، أنا زمان كنت مكسرة الدنيا بالجلابية، ولما كنت فقيرة مكنتش بقدر أشتري بدلة أرقص بيها، ولما ربنا إداني جبت 5 مصميين أزياء واشتريت”.
