سمية الخشاب للفتيات: ما تتجوزيش إلا اللي يسيبك تشتغلي وتعملي فلوس.. بدل ما تخدميه ويرميلك مصروف
وجهت الفنانة سمية الخشاب، مجموعة نصائح للفتيات من خلال عدة تغريدات نشرتها عبر حسابها الرسمي على موقع “تويتر”.
حيث قالت: “على فكرة الجواز والخلفة مش إنجاز، والازدياد السكاني ده اللي بيعمل أزمات اقتصادية، وياريت أي إنسان قبل ما ياخد الخطوة دي يروح يكشف على صحته النفسية عشان ما يطلعلناش متحرشين وحرامية ونصابين ويبقي زيادة عدد على الفاضي”.
علي فكره، الجواز والخلفه مش انجاز، والازدياد السكاني ده اللي بيعمل ازمات اقتصاديه، وياريت اي انسان قبل ما ياخد الخطوه دي يروح يكشف علي صحته النفسيه عشان ميطلعلناش متحرشين وحراميه ونصابين ويبقي زياده عدد علي الفاضي
— Somaya Elkhashab 💋 (@somayaelkhashab) April 24, 2023
وأضافت في تغريدة أخرى، قائلة: “ما ترتبطيش وما تتجوزيش إلا لما تلاقي حد يفخر بيكي أو بدراستك أو بموهبتك ويسيبك تشتغلي وتعملي فلوس خاصه بيكي بدل ما تخدميه ويرميلك مصروف، يا إما تقعدي في بيت أبوكي معززة مكرمة! محدش يطلع من بيت أهله إلا لمكان احسن مهما كانت درجة الحب ما بتأكلش عيش وبتتمحي شخصيتك ودراستك وتعب أهلك سنين كتير”.
مترتبطيش ومتتجوزيش الا لما تلاقي حد يفخر بيكي او بدراستك او بموهبتك ويسيبك تشتغلي وتعملي فلوس خاصه بيكي بدل ما تخدمي ويرميلك مصروف، يا اما تقعدي فبيت ابوكي معززه مكرمه! محدش يطلع من بيت اهله الا لمكان احسن مهما كانت درجه الحب مبتأكلش عيش وبتتمحي شخصيتك ودراستك وتعب اهلك سنين كتير
— Somaya Elkhashab 💋 (@somayaelkhashab) April 24, 2023
وتابعت: “وملاحظة إنه بنات الجيل الجديد طالعين واعيين وعارفين هما عايزين إيه وبيذاكروا وبياخدوا شهادة عشان يعتمدوا على نفسهم لحد ما يلاقوا حد بـ mentality طبيعية يقدروا يرتبطوا بيه يا إما بلاش أصلًا هيعرفوا ينتجوا ومش هيضيعوا سنين دراسة عشان تتمحي شخصيتهم ويقعدوا يخدموا شخص وخلاص، بجد فخورة”.
وملاحظه انه بنات الجيل الجديد طالعين واعيين وعارفين هما عايزين ايه وبيذاكروا وبياخدوا شهاده عشان يعتمدوا علي نفسهم لحد ما يلاقوا حد بmentality طبيعيه يقدروا يرتبطوا به ياما بلاش اصلا هيعرفوا ينتجوا ومش هيضيعوا سنين دراسه عشان تتمحي شخصيتهم ويقعدوا يخدموا شخص وخلاص، بجد فخوره
— Somaya Elkhashab 💋 (@somayaelkhashab) April 24, 2023
الجدير بالذكر أن آخر أعمال الفنانة سمية الخشاب، مسرحية “كازينو بديعة” التي انطلقت أولى عروضها في أواخر العام الماضي على مسرح الماركي بكايرو فيستيفال سيتي.
“كازينو بديعة” بطولة: سمية الخشاب، وإدوارد، وأحمد فتحي، وعلاء مرسي، وطارق الإبياري، وإيمي طلعت زكريا، وأحمد سعد (ميشو)، وعلاء زينهم، وصالح عبد النبي، وسحر عبد الحميد، من تأليف: أحمد الإبياري، وأشعار وأغاني: أبو السعود الإبياري، وإخراج: طارق الإبياري.
