أثارت الإعلامية الجميلة رضوى الشربيني، الكثير من الجدل خلال الساعات القليلة، بعد أن قامت بمشاركة جمهورها ومُحبيها بمنشور خلال حسابها الرسمي على موقع التواصل الاجتماعي “تويتر”، وقالت:ـ “الحب زي الحرب.. الاتنين عاوزين رجالة”.
وعلى الفور انهالت التعليقات على الإعلامية، ما بين مُؤيد ومُعارض والتى كانت أغلبها بالسلب، حيث علق مُتابع:ـ “بجد معاكي حق”، وقال ثان:ـ “الرجالة خلاص ماتت في الحرب.. شهداء يا استاذة رضوى”، وعلق آخر:ـ “على ما اعتقد ان حضرتك متعرفيش حاجة عن الحب، ويمكن يكون ده السبب اللي مخليكي مُعتقدة انه حرب، وده بيدل على انك مشفتيش حاجة غير الحرب وبس”.
وجديراً بالذكر، بأن الإعلامية رضوى الشربيني تحدثت مؤخراً عن أسباب فشل العلاقات العاطفية، وأشارت إلى أن معظمها بسبب رد الفعل العكسي لما تقوم به الفتيات من مجهود لإنجاح هذه العلاقات، ولكنها في النهاية تتفاجأ بابتعاد حبيبها عنها.
وعلقت ساخرة:ـ “لو عاوز لبن العصفور جيبي له وهو قاعد مكانه، وهو كده على طول هيحبك ويقع في غرامك، ويحس انك مقطعه نفسك علشانه، وضروري يحس انك مش ممكن تقدري تعيشي من غيره، وان النفس اللي بتتنفسيه ده مرتبط بيه، وانك هتموتي من بعده وهتنتحري لو بعد عنك”.
وواصلت:ـ “خليه يحس قد إيه انتي مُتمسكة بيه، وان ولائك لازم يكون ليه وبس، وكده هيحبك وعلى طول هيروح متجوزك، وساعتها ابقي قابليني وقولي عليا مش بفهم لو عملتي الكلام ده وكمل معاكي شهرين على بعض”.
وأنهت:ـ “ازاي افضل افكر ازاي اعيش طول عمري ارضي في راجل، اللي يحبني يحبني كده على بعضي.. يحب الباكدج ده على بعضه بعيوبه، وساعتها ممكن يتشال فوق الراس، ولو مش هتحبني كده يبقا مع السلامة في غيره كتير يحبوني وهعرف احبهم”.
