تحدث الفنان المصري رامي صبري، عن أزمته في السجن والأشياء الصعبة التي مر بها والدروس الذي إستفادها من هذه الأزمة من خلال برنامج The insider المذاع على فضائية دبي.
قال رامي صبري” الدرس اللي إتعملته من خلال الفترة دي، أقصي ما يمكن أن يفعله البني آدم هو تنفيذ إرادة الله”.
وأضاف أيضاً” إنتي ممكن تعملي كل حاجة، ممكن اللي بتعمليه مايجيبش النتيجة اللي إنتي عايزاها، المحنة اللي مريت بها دي استمرت 4 شهور”.
وأوضح أيضاً” أنا اتأثرت بها كتير الفترة دي، كنت حاس إني مش عايش ومش مظبوط وناقصني حاجة، ما لاقيتش أفرح بالألبوم هو نزل في شهر 8 وأنا إتحبست في شهر 10″.
وأشار أيضاً” ما لأحقيتش أروج للألبوم كنت إبتدأت أعمل حاجات وحفلات وترويج، لكن إرادة ربنا ماسمحتش بي كده وكل ده من ربنا وربنا اللي جايب الحاجات دي وأنا بالنسبالي مش مضايق من أي حاجة”.
وأكد أيضاً” بس كل اللي كنت بفكر فيه أولادي التؤام “على وعمر”، مستقبلي طبعا، محصليش أزمات في حياتي قبل كده وحسيت إن دي جت؛ عشان تفهمني مين اللي واقف جنبي مين اللي ماسبنيش لحد آخر”.
وأضاف أيضاً” أنا بشكر الجمهور اللي ماتخلاش عني، بشكر كل اللي بيحبني، بشكر الظروف اللي علمتني حاجات كتير وبينتلي ناس كتير، عرفت مين اللي يوقف جنبي لو حصلي حاجة”.
