أعلن الفنان رامي جمال عن إصابته بمرض البهاق، وبدأت الإصابة به منذ عام وحاول بشتى الطرق معالجته، ولكن لم يفلح الأمر وزاد بشكل ملحوظ، واضطر لاحقا لمحاولة إخفائه إلى أن تحدث إليه أحدهم بضرورة ترك مهنة الغناء، فلن يتقبله الجمهور بهذا الشكل، مما دفع رامي جمال إلى كشف حقيقة مرضه للجمهور، والخيار بين أمرين إما ترك الغناء أو تقبل الجمهور له كما هو.
وكتب على حسابه الرسمي على موقع إنستجرام ” الحمد لله الذي أحبنى فابتلانى وأقدرنى على الصبر، من فترة ظهرت بقع بيضا في جسمى، وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة، رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى”.
وتابع رامي جمال” أنا بقإلى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت في كلامهم بصراحة”.
ونهى رسالته قائلا” لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو”.
وفور نشره للكلام السابق، انهالت عليه التعليقات التي تتمنى له الشفاء العاجل، فمنهم من كتب” أحنا لما حبينا صوتك، حبينا شكلك وهنقبلك بأي شكل ربنا يشفيك يفنان”، ومنهم من علق” ربنا يشفيك يفنان وهنقبلك زي منتا وكمل غنى أحنا بنحب صوتك”، وطالبه جمهوره بتكملة الغناء وأن المرض ليس عيبا وسيتقبله الجمهور كما هو وبأي شكل له.
