في إطار متابعة موقع نجوم مصرية لاهتمامات المصريين على الفيس بوك، لاحظنا انتشار بوست للاستاذ ناصر زاهر، ويروي فيه واقعة محاولة خطفه في موقف العاشر، حيث دعاه احد قائدي السيارات الملاكي مدعياً انه “بياكل عيش” وينتظر ٣ آخرين لإكمال العربية، وفور ركوبه السياره لاحظ ظهور الثلاث افراد الباقين فجأة، فارتاب في الأمر وحاول الخروج من السيارة إلا أنهم حاولوا منعه بالقوة والتهديد بمطواة للدخول للسيارة مرة أخرى، إلا انه صاح بصوت عال ليلتف حوله الماره ويلوذ افراد العصابة بالفرار، وعند سؤال الاستاذ ناصر لاحد المارة الذين تدخلوا لانقاذه، قال أن هؤلاء عصابة تقتل الأفراد ويتاجرون بأعضائهم البشرية، وفور قراءه هذا البوست حاول طاقم عمل نجوم مصرية التواصل مع الاستاذ ناصر لمزيد من التفاصيل، جرى معه هذا الحوار.
س: هل ممكن حضرتك تقولنا اوصاف العربية الملاكي واوصاف المختطفين؟
ج: العربيه لادا بيضاء اوصاف افراد العصابه مش فاكر الا اتنين منهم وبرده مش اوى لكن اكيد لو شوفتهم هتعرف عليهم.
س: من أخبرك بانهم مافيا لتجارة الأعضاء البشرية؟ ولماذا لم تتوجهوا للشرطة؟
ج: اما بالنسبه للراجل اللى قال دول عصابه بيتاجرو في الاعضاء ده واحد من الناس اللى كانو واقفين اللى اتلمو عليا وانا بضرب الراجل اللى كا حاطط المطواه في جنبى في صدره. الناس طبعا اتلمو عليا.
س: هل تريد أن تضيف اي تفاصيل اخرى متعلقة بالواقعة؟
ج: اخى الفاضل اللى يهمنى قبل السبق الكل يشير لأنه في كل لحظه بتعدى ممكن واحد يحصله اللى حصلى فارجو التشيير على اوسع نطاق بجد الامر خطير يعنى ايه يتم خطف واحد لازم يكون فيه حلول جذريه لمنع والحد من الظاهره دى ارجوك البوست امانه في اعناقكم وكل اللى يقرأ البوست صوتى لازم يوصل للعالم كله انا عاوز اقولك أن البوست وصل للهند ووصل لكوبا ووصل للسودان ووصل للامارات ووصل للكويت انت حضرتك كمان بايدك تعمل الكتير جداً على الموقع بتاعك.. اشكرك.
وعليه ننشر لكم تفاصيل الواقعة أيضاً من بوست الاستاذ ناصر على الفيس بوك بتاريخ ٢٧ فبراير الماضي:
هام جدا
ياجماعه اللى هقوله ده لسه حاصل معايا انهارده الساعه 8:30 صباحا وانا في طريقى للعاشر من رمضان. رايح اركب عربيات العاشر لقيت عربيه بيضاء ملاكى راكنه على جنب واللى راكبها بيقولى رايح العاشر قلتله ايوه قإلى طيب اركب معايا انا كده كده رايح هركب كام واحد كده ونطلع علطول قلتله انت ملاكى ولا اجره قإلى ملاكى بس بلقط رزقى فقلتله بس انا مستعجل قإلى دقيقتين لو مجاش حد هنطلع علطول ركبت معاه وأول ماركبت لقيت فيه 3 رجاله بيعدو الطريق وجايين علينا فحسيت انه كمين معمول ليا فتحت باب العربيه ونزلت بسرعه لحقنى واحد منهم ووقف ورايا وقإلى ايه ياباش مهندس رايح فين محنا هنركب ونطلع اهه قمت جاى زقه في صدره وبعدت بعيد عن العربيه ولما زعقت وحبيت الم الناس عليهم مشيو بسرعه بالعربيه واحد من الناس قإلى دول بيخطفو الناس وبيقتلوهم وبيتاجرو في اعضائهم
انا حبيت اقولكم اللى حصلى عشان الكل ياخد باله محدش يركب اى عربيه خاصه الخطر مبقاش على الاطفال بس لا وعلى الكبار كمان ربنا يسلم يارب
شير للتوعيه جزاكم الله خير
