استضافت الإعلامية إنجي علي، في أحدث حلقات برنامجها “أسرار النجوم” الذي يبث عبر راديو “نجوم FM” الفنانة والراقصة الاستعراضية دينا، في لقاء مميز كشفت خلاله العديد من الأسرار حول حياتها الخاصة ومشوارها الفني.
حيث قالت دينا: “أنا اكتشفت بعد العمر ده كله إن الحب إحنا اللي بنعمله مفيش حاجة أساسًا اسمها حب مفيش مش موجود.. إحنا بنحب نخش جوه حالة فيها رومانسية حالة فيها مشاعر فنخلقها لنفسنا فجأة نفوق منها على إن إيه ده.. ده ما كانش حب.. لإن هو أساسًا مفيش حب.. ربنا قال جعلنا بينكم مودة ورحمة ما قالش حب.. لو عايز يقول حب كان قالها”.
وأضافت: “هي حالة رومانسية ما بنقدرش نعيش من غير المشاعر اللي طايرة دي البلالين اللي بتفرقع حالة ما نقدرش نعيش من غيرها فإحنا اللي بنعملها يعني بغض النظر عن الطرف التاني ما بنبقاش واخدين بالنا بيحب ولّا لأ.. إحنا بنبني الصورة اللي إحنا عايزين نبقى جواها”.
وعن العلاقات التوكسيك، قالت: “أنا أقوى من كده.. كانت تلت اربع العلاقات اللي في حياتي يا أنا يا الرقص.. فاختارت الرقص.. حبي للرقص كان أقوى بكتير من أي علاقة عدت.. يعني بعد 4 سنين جواز من كتر ما بيسمع كلام بيضطر في الآخر يبقى يانا يا الرقص خلاص أنا زهقت استحمل على قد ما قدر وأنا بعذرهم.. الناس مش زي بعض.. يعني أنا بحب حاجة مؤمنة بيها بس مش هفرض عليكي تحبي نفس الحاجة وتبقي مؤمنة بيها”.
وعن موقفها من الزواج: “أنا بتجوز في أي وقت.. اتجوزت 9 مرات.. أي وقت هحب هتجوز مفيش اختيارات مش بخرج ولا أصاحب.. معنديش الحاجات دي.. أنا بشوف إن الموضوع نتصاحب وإحنا متجوزين ووقت ما تخلص تخلص زي ما تخلص.. ويمكن ده من عيوبي لإن أنا ما بقدرش أصاحب.. أنا بالنسبة لي راجل هيتوجد في حياتي يبقى نتجوز معرفش حاجة تانية”.
وأردفت: “بقى صعب أوي.. إن يعجبني حد سهل جدًا بس لما تفكري في اللي عاجبك ده إنك هتتجوزيه ابتدي ارجع لورا.. حياة برج الحمل بتمشي أفضل من غير الشريك لإنه بيبقى مرتب أوراقه كلها.. وبعدين إحنا بالنسبة لنا دلوقتي جواز 7 أيام في الأسبوع.. صعب أوي”.
واستطردت: “هما زمانهم كانوا بيستحملوا أول واحد وهما لسه صغيرين وعندهم طولة بال عقبال ما بيوصلوا بقى مع بعض فبيكملوا”.
