أول رد من ياسمين عز على الفيديو المسرب مع الشيخ مبروك عطية “بقيت بعرف أعمل المحشي وأستاذة ورئيسة قسم في عمل البطة بالبرتقال”
قامت ياسمين عز بالرد على الفيديو المسرب لها مع الشيخ مبروك عطية “الأستاذ الشهير بجامعة الأزهر” اليوم السبت الموافق 28 يناير، من خلال برنامجها المذاع على قناة إم بي سي مصر.
وقد صرحت ياسمين قائلة: لما أكون موجودة في إجازة مينفعش إنها تعدي كده والسلام، عشان كده لقيت الأسبوع اللي فات بيقول الحقوا الفيديو القديم المسرب لياسمين عز مع مبروك عطية.
وأضافت في حديثها: الفيديو اللي انتشر الأسبوع اللي فات كان من حوالي 8 شهور تقريبًا، وكنت في حوار مع الدكتور مبروك عطية، وكنا وقتها في حديث عن المرأة والرجل، وكنت بكلم الشيخ مبروك عن المحشي.
وأكملت: أنا قولت لو دلوقتي مبعرفش إني أعمل المحشي، وجوزي كان شخص مقتدر، إي المانع إنه يجيبلي طباخة، وكنت وقتها أنا بتكلم نيابة عن الطرف الغائب.
وتابعت: ورغم كده، أنا فعلًا كنت من سنة مبعرفش أطبخ محشي، لكن الواحد لازم يطور من نفسه ويتعلم من أخطائه، ودلوقتي بقيت بعرف أعمل محشي بكل سهولة، وكمان رئيسة قسم في عمل البطة بالبرتقال.
