تحدث المطرب حسام حبيب، عن كواليس عقد قرانه من جديد على زوجته السابقة الفنانة شيرين عبد الوهاب.
وأضاف حسام حبيب، خلال مداخلة هاتفية مساء اليوم الجمعة، لبرنامج الحكاية، والذي يقدمه الإعلامي الكبير عمرو أديب على فضائية mbc masr “إحنا زي أي اتنين في الدنيا، والخناقات والمشاكل والأزمات بيننا كانت عبيطة جدا”.
وشدد “لكن لما حياتنا الخاصة تكون مفتوحة على الناس والجمهور، هذا ما يضخم ويكبر المواضيع والأمور خاصة مع وجود مواقع السوشيال ميديا ومن يتحدث دون معرفة على الإطلاق، لكن في النهاية العلاقة بيننا بسيطة جداً وزي أي اتنين في الدنيا”.
وتابع “تحدثنا قبل العودة من جديد على ضرورة وضع قواعد ومعايير، كل واحد فينا فعلًا محتاج يركز في حياته الشخصية، وكذلك حياتنا الخاصة بينا تكون مقفولة ومغلقة علينا، وتحدثنا عن كل شيء يسبب الضيق للطرف الآخر من أجل تجنبه”.
وأوضح حسام حبيب “كل طرف وعد الآخر بأنه سيشرف الثاني ويجعله فخورًا للغاية به، وكذلك قررنا إن حياتنا الخاصة لينا إحنا بس مش أي حد تاني”.
وزاد “أنا كمان من كتر حبي لشيرين عبد الوهاب، كنت ألتمس العذر لكل من كان يخاف على شيرين عبد الوهاب لأنها بالفعل مرت بفترات صعبة للغاية، وأنا زي زيكم كنت زعلان على شيرين جدا، لكن أنا من النوع اللي مش بعرف أو أحب يدافع عن نفسه”.
وشدد الإعلامي عمرو أديب في رسالته لشيرين عبد الوهاب وحسام حبيب “يا شيرين إحنا عشرة عمر، وأكيد الفترة الماضية عرفتي قدر خوف وحب الناس عليكي. نفسي تبقي في أمان واطمئنان وسعادة، ربنا يهديكوا ويسعدكوا، وأكيد أنتوا اتعلمتوا من الدرس الصعب اللي فات ده”.
