انزعاج لقاء الخميسي من ريهام سعيد تطور الى مشادة اون لاين على الملأ، حيث علقت لقاء الخميسي على منشور لريهام سعيد على انستجرام وهذا الرد أشعل الغضب وتطور الى مشادة كلامية من الطرفين.
علقت لقاء الخميسي على منشور لريهام سعيد قالت فيه ” الرحمة يا بشر دا مش مقبول إطلاقاً كفعل وأنه يتعرض اساساً على الشاشة، الحيوان يخاف ويتألم ليه يبقي دا فعل عاد ليه.!! عشان اية؟ الرحمة يا بشر م ومع الإنسان ولحيوان وكل كائن حي الرحمنة علينا.
هذا الرد أزعج ريهام سعيد بشكل كبير مما دفعها للرد عليها قائلة “نكذب على الناس ونوريهم طريقة صيد غلط؟ طب الحمد لله إن احنا اكتشفنا أنهم يتعذبوا كده وبطلي تلبسي جاكتات بالآلاف عشان يبطلوا يصطادوا الحيوانات دي وعلى فكرة أنتئ بتأكلي حمام وهو يتضرب بالنار وبتطلعي سمكة من المية وبتشوفيها وهي بتطلع في الروح وتأكليها وبتدحي الجاموسة وتصطادي الفار وبتقفيلي المصيدة على ديله، أي طريقه صيد مؤلمة”.
لم تكتفي ريهام سعيد بهذا الرد فحسب بل تطرقت أيضاً قائلة “الإعلام دوره العرض أي حاجة وأي مهمة بسلبياتها وإيجابيها إحنا مش برنامج أطفال حضرتك، القتل والدم لما بيظهر في الأفلام بيجر نظر الأطفال ده مش معناه أنك بتشجعي القتل، هو الغريب أني المفروض زميلة وأنك تنتقديني ده غير مسموح وبعدين أنا متاكدة أنك ما اتفرجتبش على الحلقة الدنيا دوارة على فكرة إن شاء الله البرنامج يكون سبب في أن الظاهرة دي تقف لأن الناس دي معاها تصاريح، المهم هنا أني عمري ما كنت أعرف أنك مهتمة بالتليفزيون أول مرة أشوفك حاطه بوست انتقاد على أساس مفيش حاجة خالص تنتقد غيري، معلش أنا مقدرة خلي بالك عشان كله برجع”.
لترد عليها لقاء الخميسي قائلة: “أنا مش بتكلم عن المذيع أو المذيعة، بتكلم عن مبدأ الفعل وعرضه على الشاشة وفُرجة بعض الناس عليه على إنه فعل عادي فتيجي الأطفال تتأثر وقبلهم الكبار اللي بنشوف فيديوهاتهم وهما بيعذبوا الحيوانات، كلامي واضح ” لا لتعذيب الحيوان أو أي كائن حي” بأي وسيلة ونشرها وعرضها على الملأ، ياريت ما ندخلش في تفاصيل ما تخصناش، كلامي عن المحتوى الغير مناسب وغير مقبول لأيًّ م اكان مش بس في البرنامج أو غيره في العموم، لازم طول الوقت تسليط الضوء على الرحمة مع الحيوان وعدم تعذيبه إلا في حالة الدفاع عن النفس إذا هاجم الانسان”.
قناة النهار تعتذر عن تلك الحلقة التي تم بثها عبر شاشتها، بعد موجة غضب عارم وانتقادات كبيرة وهاشتا جات تطالب بوقف البرنامج بشكل كامل وعدم عرضة إطلاقاً، الجدير بالذكر أن برنامج صبايا الخير كان قد توقف منذ أغسطس 2019 وذلك على أثر قرار صدر من المجلس الأعلى لتنظيم الإعلام يمنع ظهورها في جميع وسائل الإعلام المرئية والمسموعة بسبب تصريحاتها المسيئة عن أصحاب الوزن الزائد.
