شمس تعلنها صريحة: مفيش حد مش محتاج فلوس زي اللي بياخدها بعض الفنانين من التيك توك.. بس أنا مش عارفة اتأقلم مع الحكاية دي
كشفت الفنانة شمس، تفاصيل جديدة عن حياتها الشخصية وذلك خلال مداخلة هاتفية لها مع برنامج “تفاصيل” الذي تقدمه الإعلامية نهال طايل، ويعرض عبر قناة “صدى البلد”.
حيث كشفت شمس، خلال المداخلة سبب عدم نشرها فيديوهات على تطبيق “تيك توك”، أو الظهور في مقاطع بث مباشر للحصول على دعم مادي، كما يفعل العديد من أصدقائها في الوسط الفني، قائلة: عندي أكونت على التيك توك بس مش متفاعلة خالص ومش عارفة اتأقلم مع الحكاية دي.. أول فيديو عملته كنت بهزر مع المساعد بتاعي وجاب حوالي 500 ألف مشاهدة”.
وأضافت: “في الظروف اللي إحنا فيها دي مفيش حد مش محتاج فلوس زي اللي بياخدها بعض الفنانين من التيك توك.. العيب فيا أنا مش عارفة أتعامل مع التليفون أنه كاميرا.. اتعودت على كاميرات السينما والتليفزيون والإضاءة.. وحاسة إني مش لاقية نفسي في موضوع التيك توك”.
وتابعت: “المرحلة دي الناس بتمر بظروف قاسية وارتفاع أسعار وكل واحد عنده التزامات كتير.. ودي حاجة سهلة إن الواحدة وهو قاعد في البيت فاتح تليفونه يهرج شوية يجيله فلوس.. لكن أنا ما بعرفش أستخدم شهرتي وأعمل ده”.
وعن قلة مشاركتها في الأعمال الفنية خلال الفترة الماضية، قالت الفنانة شمس: “أنا مش ههين نفسي على كبر وأنزل أطلب من الناس إنها تشغلني.. زمان ما كنتش بكلم حد.. حتى المخرجين الكبار زي أستاذ حسين كمال وأستاذ جلال الشرقاوي وأستاذ مجدي أبو عميرة وأستاذ محمد فاضل.. كان حد يكلمني على يقولي فيه دور كذا.. لكن مكنتش بجري ورا الدور أو أطلب إنه يكون م الجلدة للجلدة”.
