“بعد استقالتها من برنامج الأغذية العالمي بالأمم المتحدة”.. رضوى الشربيني عن هند صبري: «برافو هند.. موقف شجاع من سيدة قوية»

قامت الإعلامية رضوى الشربيني، بالتعليق على قرار الفنان هند صبري، بعد إعلان استقالتها عن منصبها كـ سفيرة للنوايا الحسنة ببرنامج الأغذية العالمي بالأمم المتحدة، وأشارت بأنه موقف شجاع منها وقرارها صائب.

وأكدت الإعلامية، أثناء تقديمها لبرنامجها “هى وبس”، والمُذاع عبر فضائية “cbc سفرة”، وعلقت: “طوال الـ 47 يوم اللي فاتوا لو أنا عديتهم صح.. كل إنسان منا كان ليه موقف مختلف عن الآخر، وكل واحد منا كان له طريقة مختلفة عن التاني في التعبير والإعتراض”.

وواصلت رضوى: “شخص كان بيكتب منشور وشخص تاني كان بيتكلم وآخر كان بيقطع صور معينة على الهواء، وكل إنسان كان بيشجعوا بطريقة صعبة ومختلفة وقوية، وكمان في ناس تانية عملت حاجات أكتر من كده بكتير، وكان على رأسهم الفنانة هند صبري وده بعد قرار التنحي وترك منصبها كسفيرة للنوايا الحسنة بـ برنامج الأغذية العالمي”.

وأضافت الإعلامية: “وبجد موقفها كان قوي جداً ومحترم وشجاع، وهى ست شجاعة.. هند كتبت من حوالي أسبوعين كلمتين والناس فسروهم غلط وانتقدوها، والحقيقة إنها كانت تقصد حماية المدنيين هناك، ولكن المنشور إتفهم بصورة خاطئة والناس ساعتها قالوا عليها كلا مش كويس خالص، وهى على عادتها سكتت ولم ترد”.

وتابعت الشربيني: “الفنانة إمبارح قدمت استقالتها من منصبها، ومش كتير الناس اللي بتاخد موقف حاسم زي ده واللي واضح أمام الجميع.. حقيقي برافوا هند، وبتمنى إن كل الناس اللي ليها صوت عالي وشهرة وقوة الكلمة تعمل نفس اللي عملتيه وتمشي في نفس الطريق، وفي النهاية الكلمة هتشكل ضغط ممكن يغير مصير وطن كامل”.

وجديراً بالذكر، بأن الفنانة هند صبري أصدرت منذ أيام بياناً، نشرته عبر حسابها الرسمي على “انستجرام”، حيث قالت: “بعد مرور نحو 13 عام من العمل الإنساني خلال العالم، أُعلن استقالتي من برنامج الغذاء العالمي للأمم المتحدة، وأعلن هذا بقلب مثقل وحزن عميق”.