بعد توقفه عن الغناء لعدة أشهر تضامنًا مع أهالي غزة، أعلن مؤدي أغاني المهرجانات حسن شاكوش، عن استعداده لطرح أغاني جديدة خلال الفترة المقبلة.
وقال شاكوش، في بث مباشر عبر حسابه الرسمي على موقع تبادل الصور والفيديوهات “انستجرام”: “عندي التزامات.. وفرقتي حوالي 40 فرد.. وشغال معايا حوالي 7 أشخاص.. غير أخواتي وأهلي حوالي 5 أو 6 بيوت كمان مفتوحين.. يعني لو قعدت في حوالي 60 بيت مش هيلاقوا ياكلوا ومتعلقين بيا بعد ربنا”.
وأضاف: “أنا وقفت شغلي شهرين أو 3 شهور عشان أخواتنا في غزة.. الواحد لو في إيده يعمل أي حاجة هيعملها مش هيتأخر.. بس الشغلانة بتاعتنا دي اللي ينام فيها وما يبقاش موجود الموضوع بيبقى صعب.. عايزة اللي بيشتغل 24 ساعة”.
وتابع: “لو قعدت في البيت مش هلاقي أكل وانتوا شايفين الدنيا والغلا اللي إحنا فيه.. الله يكون في عون ناس كتير.. محدش قالي أوقف شغل لكن ذوقيًا مني ما ينفعش أشوف إخواتي في فلسطين بيموتوا فبقالي 3 شهور ما اشتغلتش”.
