“بعدما صرحت طليقته عن وجود علاقة تربطه بـ فنانة مشهورة”.. حورية فرغلي رداً على ارتباطها بـ حسن شاكوش: «أي شخص هيجيلي على منطقة الشرف مش هسكت وهخرب الدنيا»
قامت الفنانة الجميلة حورية فرغلي، بالتعليق على أزمة المطرب الشعبي حسن شاكوش، بعدما صرحت طليقته ريم طارق عن وجود علاقة تربطه بفنانة مشهورة وثالث حرف من اسمها راء، حيث أن الجمهور ربط الأمر بوجود علاقة بين شاكوش والفنانة حورية، الأمر الذي نفته وأكدت على عدم وجود أي علاقة تربطها به، وأنها لم تقابله ولا مرة من قبل.
وردت الفنانة، خلال تصريحات تليفزيونية بعدما ربط الجمهور بين اسم شاكوش واسمها، معلقة: “فيه مليون اسم غيري اشمعنا حورية اللي الناس مسكت فيها، وعلى فكرة أنا عمري ما قابلت حسن ولا شفته، وده ميمنعش إني بحب أغانيه وحزينة إنه طلق ريم، وده علشان لو مكنش في حب كبير بينهم مش هيكون في مشاكل بينهم، وهى بتحبه بصورة كبيرة وبتغير عليه، ولكنه رافض يظهر أمام الجميع إنه بتاع ستات”.
وواصلت حورية: “والمفروض على ريم إنها كانت تتعلم إزاي تخلي جوزها ميبصش لواحدة غيرها.. اللي اسمها سارة، وده علشان إنتوا سافرتوا مع بعض وخرجتوا مع بعض، وبجد مكنتش حابه إن اسمي يتذكر في موضوع زي ده، وحقيقي حزينة جداً إن الموضوع دخل في منطقة الشرف، فلما حد يجيب سيرتي مش هسكت وهخرب الدنيا”.
وكشفت الفنانة خلال اللقاء، عن أنها ارتبطت بشخص ولكنها سرعان ما اكتشفت بأن هذا الشخص نصاب، وقام بسرقة بنك وسافر للخارج، الأمر الذي تسبب في دخولها بأزمة نفسية، بسبب انخداعها بذلك الشخص.
وعلقت حورية: “كان في واحد ارتبط بيه، وللأسف الشديد طلع حرامي وسرق بنك وسافر بره مصر.. فجأة ملقتوش، وكل اللي كان بينا وقتها مجرد تعارف، وأنا ممكن أوي أستحمل أي حاجة ممكن تحصلي في الدنيا إلا الخيانة، والرجالة دايما بتحب البنات اللي جسمهم حلو، ولكن كل حاجة بتروح وبيفضل جمال الروح والشخصية، وهو ده المهم”.
