“بعد دفنها بمقبرة في العياط”.. حورية فرغلي عن كواليس مشاركتها بمسلسل “ساحرة الجنوب”: «أنا مش بخاف من الموت وغلتطي إني مش محجبة»
قامت الفنانة الجميلة حورية فرغلي، بالكشف عن كواليس مسلسل “ساحرة الجنوب”، وتحدثت عن تفاصيل دفنها بمقابر العياط ورفضها الإستعانة بـ دوبليرة، وأشارت بأنها أصرت على تقديم المشهد بنفسها.
وأكدت الفنانة، أثناء استضافتها ببرنامج “in deeb”، والذي يقوم بتقديمة الإعلامي تامر شلتوت، موضحة: “أنا مش بخاف من الموت وبحب المقابر أوي، وادفنت في مقبرة بالعياط الساعة 3 الفجر، ولم أشعر نهائياً بالرهبة من الموت، ولكني استغربت لما لاقيت التراب اللي تحت لا يختلف عن ثلاجة الموتى”.
وواصلت حورية: “وعلى فكرة من أهم أسباب نجاح مسلسل (ساحرة الجنوب) إني بحب المقابر، ومش بخاف منها وادفنت مرة، ورفضت إنهم يجيبوا واحدة غيري تعمل المشهد.. أنا اللي عملته، وبجد ساعتها الجو كان حر على الآخر ونسبة الرطوبة كانت عالية أوي، والوضع كان صعب على الآخر”.
وأضافت الفنانة: “وأول لما جهزوا الحفرة ونزلت تحت الجو تلج.. بالظبط زي تلاجة الموتى، ولما أطلع فوق ألاقي الجو حر جداً، ولكني مكنتش خايفة ومش حاسة بأي قلق، وده علشان كنت عارفة إنه تمثيل، وكمان مش بخاف خالص من الموت ومستعدة له، وبصراحة نفسي يجي بسرعة لأن الدنيا مبقتش زي الأول ودمها بقا تقيل، والناس كمان إتغيرت وأخلاقها مش زي ناس زمان.. بقا في عنف ومفيش احترام زي الاول والأصول ضاعت”.
وتحدثت حورية خلال القاء، عن مدى أخطائها وعن استعدادها للموت، معلقة: “غلتطي إني مش مُحجبة، ولكني بصوم وأصلي وبزكي وحجيت 7 مرات، ولكن معملتش ولا عمرة، ومواظبة بصورة يومية على قراءة القرأن الكريم قبل ما أنام، وطول الوقت بطلب من ربنا إنه يثبتني عند السؤال”.
