“بسبب مشهد الفراخ مع عادل إمام”.. فريدة سيف النصر توجه رسالة للشباب: «احترموا نفسكم أنا عندي 60 سنة»

كشفت الفنانة الجميلة فريدة سيف النصر، كواليس مشهدها الجرئ مع الزعيم عادل إمام، والمعروف بمشهد “الفراخ” في فيلم “مين فين الحرامي”، والذي تم عرضه عام 1984.

وأكدت الفنانة، أثناء استضافتها ببرنامج “كلمة أخيرة”، والتي تقوم بتقديمة الإعلامية لميس الحديدي، والمُذاع عبر فضائية “on”:ـ “الجمهور لسه فاكرني بمشهد الفراخ، واللي عملته مع الفنان عادل إمام، ودلوقتي أنا بقول ليهم يا شباب احترموا نفسكم.. أنا بقا عندي 60 سنة خلاص، وهو أنا زي الفراعنة ومُحنطة ولا هفضل زي ما أنا”.

وحينما سؤلت عن جمالها، ردت:ـ “خلاص بقا كان زمان الجمال، ولكن كل اللي أنا عاوزاه دلوقتي إني أبقى جميلة الروح.. جميلة الذكرى والتصرفات وأكون جميلة الكرم، وحقيقي مش عارفة ليه الناس اللي معاه فلوس كتيرة مش بتساعد الفقراء والمحتاجين؟، والموضوع بسيط جداً”.

وتحدثت الفنانة خلال اللقاء عن المخرج محمد العدل، حيث قالت:ـ “محمد العدل أولا هو ابني، وده علشان أنا شوفته وهو طفل، وهو راجل محترم وحقاني أوي ومن عائلة محترمة جداً، وبجد محمد من الشخصيات اللي تتعد على صوابع الإيد، وده علشان شغلي عملهولي وحقي كان بيدهولي ومتأخرش عليا أبداً في أي حاجة”.

.ومن جانبه، فإن فيلم “مين فينا الحرامي”، عُرض عام 1984 وقام ببطولته مجموعة كبيرة من نجوم الفن أبرزهم “عادل إمام، وفريدة سيف النصر، وعلى الشريف، وشريهان، وصلاح نظمي، وأحمد بدير، ومؤمن حسان”، وغيرهم، والعمل من إخراج محمد عدالعزيز.

وجديراً بالذكر، بأن الفنانة فريدة سيف النصر شاركت في السباق الرمضاني للعام الحالي 2023، بمسلسل “جعفر العمدة”، وشاركها بطولة العمل كلاً من “محمد رمضان، وهالة صدقي، ومنذر ريحانة، ومجدي بدر، وزينة، ومي كساب، وإيمان العاصي، وأحمد داش، وبيومي فؤاد، ومنة فضالي”، وغيرهم الكثير، والعمل تأليف وإخراج محمد سامي.