واصل الفنان الشاب خالد الفايد، إثارة الجدل بعد إعلان تراجعه عن قرار اعتزال الفن، وعودته للغناء مرة أخرى.
حيث قال نجم برنامج “ذا فويس كيدز”، في منشور جديد عبر حسابه الرسمي على موقع التواصل الاجتماعي “فيس بوك”: “حلو أوي إنك تعمل الحاجة اللي بتحبها وتسيبك من كل القيود والأفكار الرجعية”.
وأضاف: “أول يوم أنام مرتاح نفسيًا وحاسس إني بعمل حاجة صح.. لقيت نفسي وطردت الأفكار الهدامة من دماغي.. وانتصرت على نفسي الحمد لله”.
كان خالد الفايد، قد أعلن تراجعه منذ يومين عن قرار اعتزاله بعد مرور حوالي خمسة أشهر فقط على إعلان توبته وابتعاده عن الغناء.
واعتذر المطرب الشاب خالد الفايد، للمنتج هاني محروس، حيث نشر صورة تجمعهما وعلق عليها قائلًا: “أكبر غلطة عملتها في حياتي إني سمعت كلام الناس.. كنت مخلص من قلبي لكني شفت منهم عكس كده..وربنا يكفيكم شر اللعب في الودن والكلام الفارغ.. وربنا يبعد عنكم أي حد عامل فيها مولانا وهو عطاط”.
وأضاف: “صدقوني فيه حاجات مش هقدر أشرحها ليكم.. ومش هقدر أقول غير إني اتسرعت وغلطت في هاني محروس غلط كبير بسبب إني اديت ودني للناس وسيبتهم يتكلموا ويولعوا براحتهم”.
وتابع: “أوعى تسلم ودنك لحد وتخليه يبخ فيها سموم.. ده درس اتعلمته حبيت أوضحه علشان محدش يقع في نفس غلطتي”.
