كشف الفنان أحمد سلامة عن ذكرياته مع الفنانة هدى سلطان، بالإضافة إلى كواليس مسلسل “الوتد” وعن الأشياء التي تعلمها منها خلال فترة عمله معها.
وذكر الفنان أحمد سلامة خلال لقائه ببرنامج “بالخط العريض” الذي تقدمه الإعلامية إيمان أبو طالب عبر قناة “الحياة”، عن موقف حدث قبل تصوير مسلسل “الوتد” مع الفنانة هدى سلطان قائلا: “في مرة كان في ديكور البيت في مسلسل الوتد لسه بيتبني، واتصلت بالمخرج أحمد النحاس كنت عايز اقابله أسأله عن حاجة في الشغل قالي أنا في الاستديو تعالى قابلني هناك، روحت وقابلته وفجأة لقيت مدام هدى خارجة من أوضة وحاطة “وكمان” “مشغل الأغاني” في ودنها وماشيه، استغربت جدا مفيش أوردر تصوير ولا كاميرات هي بتعمل إيه في المكان، بصيت للمخرج وقولت له هي مدام هدى موجودة ليه؟ فرد عليه قائلًا: “مش عارف قوم إسألها”.
وتابع: “بالفعل قومت وسلمت عليها وسألتها بتعملي إيه هنا يا مدام هدى ردت قالتلي جملة عمري ما أنساها “بدوس المكان يا ابني” سألتها يعني إيه قالت: “المفروض ده ديكور بيتي وأنا هاجي أصور وأنا مش عارفة فين الأوضة وجغرافية المكان التمثيل هيطلع غريب عاوزة اتعامل مع المكان بطبيعية”، وكانت مسجلة المشاهد بصوتها وبتسمعها وهي بتتمشى في الديكور.
وأضاف: “مدام هدى رحمة الله عليها أستاذة ونجمة كبيرة وأنا تعلمت منها الكثير في مسلسل “الوتد”.
