كشفت الفنانة الشابة رنا الهواري، طليقة المنتج محمد مختار، رأيها في التصريحات التي أدلت بها الفنانة رانيا يوسف، بشأن زوجها السابق وعدم اهتمامه ببناته.
حيث قالت رنا، في تصريحات صحفية على هامش حضورها العرض الخاص لفيلم “مطرح مطروح” الذي يقوم ببطولته الفنان الكبير محمود حميدة، ويعرض حاليًا بالسينمات: “محمد مختار بيعمل زي أي أب بجد.. ما بيعملش حاجة أقل من أي أب بالعكس محمد بيهتم بالتفاصيل جدًا وبيتهم بولاده جدًا جدًا وبيحب أولاده جدًا جدًا”.
وأضافت زوجة محمد مختار، السابقة: “أنا مش عارفة بصراحة هي كانت معايا كويسة.. أنا ما بعرفش أكتشف اللي جوا الناس أنا بتكلم ع اللي أنا كنت شايفاه هي كانت بني آدمة كويسة جدًا معايا مش عارفة إيه اللي حصل بالظبط أنا قولت قبل كده ومش حابة إن أنا أتكلم في الموضوع ده تاني.. ممكن حاجات أنا ما أعرفهاش وصلتها لإن هي تتكلم أو تقول حاجة زي كده مش فاهمة ليه برضه أنا زيي زيك مش فاهمة هي ليه بتقول كده”.
وتابعت: “أنا كنت بروح لرانيا بزورها وهي والبنات كانوا بيجوا عندي البيت يقعدوا معايا العلاقة بينا كانت مقربة جدًا.. قبل الانفصال وبعد الانفصال كانت علاقتنا مقربة وكويسة جدًا.. لحد من فترة قريبة لحد من أسبوعين تلاتة.. هي تقريبًا شافت تصريحات ما عجبتهاش ما أعرفش تقدروا بقى تسألوها لإن أنا بجد مش عارفة”.
