دافعت الإعلامية ياسمين عز، بشراسة عن اللاعب الشاب محمد صبحي، حارس مرمى نادي الزمالك، بعد تلقيه أربعة أهداف في مباراة فريقه أمام النادي الأهلي.
وهي المباراة التي انتهت بفوز الأهلي على الزمالك بنتيجة 4 / 1 في بطولة الدوري التي سيتوج بها المارد الأحمر رسميًا اليوم، عقب مواجهة حرس الحدود.
حيث قالت ياسمين، خلال أحدث حلقات برنامجها “كلام الناس” الذي يعرض عبر قناة “MBC مصر”: “الكلام عن الزمالك والكرة يا جماعة من وإحنا صغيرين كلنا عارفين إنها لعبة جماعية.. يعني 11 لاعب ضد 11 لاعب لو فريق كسب يبقى عشان إيه الكل اجتهد ولو فريق خسر يبقى عشان الفريق كله ما كانش في أحسن حالاته”.
وأضافت: “فمينعش أبدًا يا جماعة يبقى بقالنا يومين الهجوم كله منصب ومتمركز ومتمحور على لاعب واحد بس ونجم يمكن الكل بيشهد بموهبته زي محمد صبحي حارس الزمالك.. هذا الرجل بقاله يومين عايش حالة نفسية أكيد صعبة بسبب كلام الجمهور عليه مينفعش كده يا جماعة مينفعش وكلامي هنا موجه لجمهور الزمالك الواعي المحترم”.
وتابعت: “يعني حابة أقولكم إن هذا الشاب الصغير في السن والكبير في الإمكانيات اشترى نادي الزمالك في وقت كان قريب فيه جدًا إن من الانتقال لنادي تاني.. فالشاب ده خلاكوا طول الموسم ما تحسوش أو ما تتأثروش برحيل أبو جبل عن الفريق الشاب ده كان سبب في فوز الزمالك بماتشات كتير في الموسم ده فبالتالي مينفعش وميصحش عشان ما كانش موفق في ماتش أو اتنين يتهاجم بالشكل أو بالطريقة دي”.
طب هي مجبتش سيرتك اصلا انتي ليه بتردي كدة بتثبتي التهمة عليكي اما انتي مندفعة ومعندكيش عقل تفكري