وجهت الإعلامية ياسمين عز، نصيحة للسيدات خلال أحدث حلقات برنامجها “كلام الناس” الذي يعرض عبر قناة “MBC مصر”.
حيث قالت: “ياريت يا مدام وانتي بتعملي السلطة لجوزك ما تحطيش الطماطم جنب الخيار.. غلط.. غلط وعيب.. ما تحطيش الطماطم المؤنث جنب الخيار المذكر غلط يعملوا قفلة في وشك تتكهربي تموتي بعد الشر عليكي وعلى حواليكي”.
وأضافت: “الطماطماية المؤثنة مع الخيار المذكر لأ.. يعني إيه الكلام ده وليه بقى؟.. دي دراسة هنحكي في موضوع الدراسة ده.. ده بيعمل نكد في البيت وخناقة بسبب طبق السلطة العشوائي ده اللي بتعمليه.. طماطم وخيار سالب وموجب تخلطيهم في بعض انتي حرة.. حد يقولي طيب مفرد خيار خياراية مؤثنة أهي.. لأ أنا آسفة.. المعجم مفيهوش خياراية فيه هذا خيار.. وهذه طماطم.. روحي للجمع تعرفي أصل الكلمة نحو راجعي لو عايزة تراجعي ورايا.. هذا رجل مفرد.. هؤلاء رجال جمع مذكر سالم.. دايمًا يارب سالم غانم فرعونا الصغير الكبير”.
“وتابعت: “هذه امرأة مفرد.. تجمعها مفيش.. جمع مفيش.. تخيل المعجم ما قدرش يجمعها هتقدر عليها انت يا أبو كف رقيق وصغير.. لأ مش هتقدر.. طيب نرجع للسلطة.. السلطة مفيدة ما أقدرش أحرمك منها فإيه مكونات طبق السلطة؟ مكونات طبق السلطة هذا خيار.. حطي.. هذا فلفل.. حطي.. هذا بصل.. حطي.. هذا بقدونس.. حطي.. هذه كزبرة.. غلط مؤنثة تروحي طبق الطماطم الطبق المؤنث.. يقعدوا يرغوا مع بعض يحكوا مع بعض الفلفل عمل إيه في الشطة.. عادي جدًا”.
